Aýyl partııasy málimdeme jarııalady
***
Qazaqstan Respýblıkasy Prezıdentiniń Joldaýyn qoldaý týraly «Aýyl» Halyqtyq-demokratııalyq patrıottyq partııasynyń málimdemesi.
Qurmetti otandastar!
«Aýyl» partııasy qoǵamdy demokratııalandyrýǵa jáne naryqtyq qatynastar jaǵdaıynda ekonomıkanyń agrarlyq sektoryn túbegeıli ózgertýge baǵyttalǵan saıası-ekonomıkalyq reformalardy dáıekti iske asyrýdy jaqtaıdy. Sondyqtan, «Aýyl» HDPP el damýynyń jańa joly kórsetilgen «Qazaqstannyń úshinshi jańǵyrýy: jahandyq básekege qabilettilik» atty Prezıdent Joldaýyn rızashylyqpen qabyldady.
Joldaýda atalǵan damý jolyn ekonomıkadaǵy tehnologııalyq jańarýdy jedeldetý, eksportty ártaraptandyrý, adamı kapıtal sapasyn jaqsartý, kásipkerlikti yntalandyrý arqyly iske asyrý atap kórsetilgen.
N.Nazarbaev Qazaqstannyń agrarlyq sektoryna erekshe kóńil bólip otyrady. Atalǵan sala el ekonomıkasynyń jańa draıverine aınalýy kerek. Biz álemde iri agrarlyq eksporttyq ónim óndirýshi el bola alamyz. Osy maqsattardy iske asyrý úshin biz shıkizat óndirisinen ketip, joǵary sapaly, óńdelgen ónimder shyǵarýdy kózdeıtin sharalar qabyldaýymyz kerek. Sonda ǵana bizdiń aýyl sharýashylyq ónimderimiz básekege qabiletti bolady.
Sondaı-aq, Elbasy Joldaýynda jeke úı sharýashylyqtaryn biriktirip, taýarlardy saqtaýdyń, tasymaldaýdyń jáne ótkizýdiń tıimdi júıesin qurý, jerdi paıdalaný tıimdiligin arttyrý, agrarlyq ǵylymı zertteýlerge salynatyn ınvestıtsııa kólemin arttyrý mindet ekeni aıtylǵan.
«Aýyl» partııasy Prezıdent Joldaýyn qoldaıdy jáne óziniń jaýapkershiligin sezine otyryp, ony iske asyrýǵa barynsha belsendi qatysatyn bolady.
«Aýyl» HDPP Tóraǵasy Á.Bektaev