«Aýyl» partııasy QR Prezıdentiniń kezekten tys saılaýyn ótkizýge qatysty málimdeme jasady
«QazAqparat» HAA «Aýyl» halyqtyq -demokratııalyq, patrıottyq partııasy málimdemesiniń tolyq mátinin usynady.
MÁLІMDEME
2019 jyldyń 9 sáýirinde Qazaqstan Respýblıkasynyń Prezıdenti Qasym-Jomart Kemeluly Toqaev osy jyldyń 9 maýsymynda Qazaqstan Respýblıkasynyń kezekten tys Prezıdenttik saılaýy ótetinin jarııalady.
Buǵan deıin elimizde Konstıtýtsııalyq zańǵa sáıkes bılik tranzıti júzege asty. Elbasy, tuńǵysh prezıdentimiz N.Á. Nazarbaev elimizdiń táýelsizdigin nyǵaıtyp, shekarasyn bekitip, álemdik arenadaǵy bedelin bıiktetti. Qazaqstannyń bolashaǵyn aıqyndaıtyn irgeli strategııalyq baǵdarlamalardyń bastamashysy boldy. Kezi kelgende salıqaly saıasatkerge tán sheshimmen el tizginin belgili qoǵam qaıratkeri Q.Toqaevqa ustatty.
Qazaqstan Respýblıkasynyń Prezıdenti Qasym-Jomart Toqaevty shyn máninde el ishinde ǵana emes, halyqaralyq saıasat sahnasynda da bedeli bekem, bilikti azamat, el múddesine adal, parasatty da, ádiletti saıasat qaıratkeri dep baǵalaımyz.
Prezıdenttiń kezekten tys saılaý týraly sheshim qabyldaýyn da memleketshildik murattan týyndaǵan qadam dep qabyldaımyz. Bılik tranzıtine baılanysty el arasynda ekiudaı pikir qalyptaspaýy úshin tek Konstıtýtsııa talaptaryna júginip, halyqtyq saılaý jarııalaý - búgingi Qazaqstan qoǵamy úshin oń sheshim, ári el bıliginiń álemdik qaýymdastyq aldyndaǵy mindetteri turǵysynan da múlt ketpegenin kórsetetin mańyzdy qadam.
Bul táýelsiz elimizdiń erteńi úshin asa mańyzdy saıası sheshim. Qazaqstan Respýblıkasynyń Konstıtýtsııasy boıynsha el prezıdenti demokratııalyq prıntsıpter negizinde saılanady. Elimizdiń árbir azamatynyń daýys berý arqyly óziniń úmitkerin tańdaýyna tolyqtaı quqy bar. Saılaý týraly konstıtýtsııalyq zań kúshinde. ıAǵnı, kezekten tys prezıdenttik saılaý ótkizý úshin zań sheńberindegi tetikter tolyqtaı qarastyrylǵan jáne el prezıdentiniń mundaı mańyzdy sheshim qabyldaýynda zań turǵysynan qandaı da bir qaıshylyq joq.
Biz táýelsizdiktiń alǵashqy jyldarynan bastap, demokratııalyq baǵytty tańdap, birlik pen yntymaǵy jarasqan, saıası dástúri ornyqqan qoǵam ornattyq. Álemdik qaýymdastyq ta Qazaqstandy damýdyń dańǵyl jolyna túsken, yntymaqshyl, mámileger memleket retinde tanıdy. Táýelsizdik jyldarynda qalyptasqan osy turaqty qoǵamdy búgingideı ótpeli kezeńde qandaı da bir saıası qaıshylyqtar men qatelikterge uryndyrmaı, halyqtyń saılaý quqy arqyly tańdaý jasaýyna múmkindik berý - eń ádil, ári durys sheshim dep qabyldaımyz.
Qazaqstan Respýblıkasynyń árbir azamatyn elimiz úshin osynaý syndarly sátte azamattyq belsendilik tanytýǵa, barsha ókimettik jáne qoǵamdyq ınstıtýttardy kezekten tys prezıdenttik saılaýdyń meılinshe ádil, ári ashyq ótýine atsalysýǵa shaqyramyz.
«Aýyl» halyqtyq -demokratııalyq, patrıottyq partııasy Saıası keńes prezıdıýmy