«Aýyl» partııasy «Gúldengen aýyl» aktsııasyn júzege asyrýda

ASTANA. QazAqparat - «Aýyl» partııasynyń Respýblıkalyq shtabynyń ortalyq keńsesinde «Gúldengen aýyl» aktsııasynyń aıasynda jınaqtalǵan aýyldaǵy sátti bıznes-jobalar tanystyryldy.

Eske sala keteıik, 6 naýryzda «Aýyl» partııasy «Gúldengen aýyl» sátti bıznes-jobalar aktsııasynyń bastalǵany týraly jarııalaǵan bolatyn.

Aktsııanyń maqsaty - barlyq aımaqtardan aýylda júzege asyrýǵa yńǵaıly, keleshegi bar, tıimdi bıznes-jobalardy jınaqtaý, dep habarlady «Aýyl» HDSP baspasóz qyzmeti.

«Bir apta ishinde ortalyq keńsege 10-ǵa jýyq bıznes ıdeıalar kelip tústi. Jobalar negizinen mal sharýashylyǵy, egin sharýashylyǵy salasynda. Sonymen qatar jasyl ekonomıka, tamshylatyp sýarý sekildi bıznes ıdeıalar bar. Júzege asyrýǵa laıyqty jobalar partııa saıtynda kórinis tapty», - delingen habarlamada.

Partııanyń saılaýaldy baǵdarlamasyna sáıkes, bul partııalyq joba azamattarǵa óz bastamalaryn júzege asyrýyna kómektesýge, alǵashqy qadamdaryn jasaýda qajetti keńester berip, baǵyt silteýge múmkindik beredi.

Aıta ketý kerek, barlyq bıznes-jobalar saıtta ashyq túrde usynylady. Partııalyq jobanyń jáne bir mańyzdy mindeti - aýyldaǵy halyqtyń ózin-ózi qarjylandyrýyna, óz kásibin bastaýyna jaǵdaı jasaý.