Aýyl mektepterine arnalǵan «Myń bala-2022» olımpıadasy bastaldy
Olımpıada «Elbasy Akademııasy» qory men Almaty oblysy Bilim basqarmasynyń qoldaýymen ótkiziledi. Oǵan bıyl aýyl mektepteriniń 5 jáne 6-ynshy synyptardaǵy 30 myńnan astam oqýshysy qatysady dep kútilýde. Tirkeý 20 naýryzǵa deıin jalǵasady.
Jeńimpazdar oblystyq mamandandyrylǵan bilim berý uıymdaryna oqýǵa túsýge múmkindik alatyn bolady.
Olımpıada maqsaty – Qazaqstan Respýblıkasynyń aýyldyq jerlerindegi mektep oqýshylarynyń talanttary men qabiletterin damytý jáne qoldaý úshin jaǵdaı jasaý, daryndy balalarǵa arnalǵan mamandandyrylǵan mektepterde oqý úshin neǵurlym akademııalyq qabiletti oqýshylardy irikteý.
Bilim saıysy eki kezeńde ótkiziledi. І kezeńde olımpıadaǵa qatysýshylar onlaın - platformada tanymdyq oılaý deńgeıin anyqtaý úshin keshendi testileý tapsyrady.
ІІ kezeńniń ótetin kúni men orny týraly málimetter, sondaı-aq olımpıadanyń ІІ kezeńine qatysýshylardyń tizimi kompıýterlik testileý ótkizilgenge deıingi kúntizbelik 10 kún buryn resmı resýrsta jarııalanady.
Іrikteý kompıýterlik testileý nátıjeleri boıynsha júrgiziledi, oǵan bólimder boıynsha oqýshylardyń akademııalyq bilimin baǵalaý kiredi:
«Matematıkalyq saýattylyq»;
«Qazaq tili», qazaq tilinde oqıtyn oqýshylar úshin;
«Orys tili», orys tilinde oqıtyn oqýshylar úshin;
«Aǵylshyn tili»;
«Jaratylystaný».
«Jeńimpaz atanǵan 1 myń oqýshyǵa olımpıada jeńimpazynyń dıplomy beriledi. Dıplom tapsyrý úshin ІІ kezeńniń jeńimpazdary kúsheıtilgen sanıtarııalyq-epıdemıologııalyq normalardy saqtaı otyryp, turǵylyqty óńirleri boıynsha marapattaý rásimine shaqyrylady. II kezeńniń jeńimpazdaryna Qazaqstan Respýblıkasynyń zańnamasynda belgilengen kvotaǵa sáıkes daryndy balalarǵa arnalǵan mamandandyrylǵan mektepterge qabyldaý múmkindigi beriledi», – delingen habarlamada.
Atap aıtsaq, 2021 jylǵy «Myń bala» olımpıadasy Almaty oblysynda utymdy ótip, óz nátıjesin kórsetti.