Aýyl kórkeıse – el órkendeıdi

QYZYLORDA. QazAqparat – Parlament Májilisine jáne oblystyq máslıhat depýtattyǵyna kandıdattar «AMANAT» partııasy Qyzylorda oblystyq fılıaly atynan Aqsýat aýyldyq okrýginde bolyp, turǵyndarymen kezdesti, dep habarlaıdy QazAqparat.

Jıyn barysynda úmitkerler partııanyń saılaýaldy baǵdarlamasyn tanystyryp, aýylǵa kóńil bólý jáne onyń jaǵdaıyn jaqsartý – basty mindet ekendigin alǵa tartty.

Aýyl – qazaqtyń altyn uıasy. Óńir ekonomıkasyn damytýda aýyldyń áleýetin kóterýdiń mańyzy joǵary. Aımaqta atalǵan baǵyttaǵy jumystar belsendi iske asyrylýda. Máselen, bıyl Aqsýat aýylynda sport kesheni boı kóterýde. Nysan qurylysy 2022 jyly bastalǵan bolatyn. Atalǵan ǵımarat zamanaýı qondyrǵylarmen qamtylyp, sportshylardyń jattyǵýy úshin barlyq jaǵdaı jasalmaq. ıAǵnı, taıaýda aýyl balalary sporttyń birneshe túrimen aınalysa alady. Munan bólek, aýyldyq okrýgte buǵan deıin 3 sport jáne balalar oıyn alańdary salynǵan.

Kezdesýde oblystyq máslıhat depýtattyǵyna úmitker Nurbolat Ibraev: «Aýyldy jaqsarta almasaq, bárimizge syn» degendi aıtyp, aýyldyq eldi mekenderdi damytýǵa baǵyttalǵan jobalar jóninde áńgimeledi.

«Qazaqta «Árkimniń týǵan jeri – Mysyr shahary» degen sóz bar. Týǵan aýylynyń túlegenin bári qalaıdy. Alaıda «keleshegi joq aýyl» degen sóz jıi estilgen saıyn aýylda malyn baǵyp, sharýasyn dóńgeletip otyrǵan halyqtyń boıyn úreı bıleı bastady. Álbette, árkim óziniń qalaǵan jerine qonystanýǵa erikti. Biraq «keleshegi joq aýyl» dep at qoıǵannan keıin halyqtyń kóńili ornyqpaıdy. Ásirese, mundaı aýylǵa jastar turaqtamaıdy. Jastar ketken soń, aýyl «qartaıyp», oıdaǵydaı jumys istep turǵan sharýashylyqtar órkendemeı, quryp tynary aqıqat. Sondyqtan, aýyl ekonomıkasyn nyǵaıtyp, ony damytý bizdiń túpkilikti maqsatymyz. Jáne de ol quptarlyq is dep bilemin», - dedi.

Negizi otbasylyq kásipti bastaýǵa qolaıly jer – aýyl. Sondaı-aq aýylda óńdeý jumystaryn arttyrýǵa múmkindik bar. Jalpy, aýyl ekonomıkalyq damýdyń draıverine aınala alady. Sondyqtan batyl qadamdar jasaý kerek. Sol úshin azamattardyń naqty tabysyn arttyrý, eńbek jaǵdaıy men jumys ornyndaǵy qaýipsizdikti kúsheıtý – bizdiń negizgi mindetimiz», - dedi kandıdat Aıda Abıbýllaeva.

Jıyn sońynda aýyl turǵyndary agroónerkásipti damytý, áleýmettik qamsyzdandyrý máseleleri jóninde suraqtaryn qoıyp, jaýap aldy.

Aqparatty Qyzylorda oblystyq máslıhaty depýtattaryn saılaýǵa partııalyq tizim usynǵan «AMANAT» partııasynyń Saılaý qory usyndy jáne aqysyn tóledi.