Aýyl ishinde júrgen ilbistiń vıdeosy tarady
Áleýmettik jelide taraǵan vıdeodan barystyń aýyl ishinde erkin júrgenin kórýge bolady. Tipti qasynan ótip bara jatqan kólikten de qoryqpaǵan. Al, vıdeoǵa túsirgen júrgizýshi qar barysynyń jataqhana mańynda júrgenin jetkizgen.
Ólketanýshy Ǵanı Nazarbek bul oqıǵanyń Qaskeleń aımaǵyndaǵy Aqsaı shatqalynda bolǵandyǵyn málimdedi.
«Bul barysty «Іle Alataýy» Ulttyq tabıǵı parki mańynda platına qurylysyn júrgizip jatqan qurylysshylar túsirip alǵan. Halyqqa keletin eshqandaı qaýip joq» deıdi ol.
Jelide jarııalanǵan vıdeoǵa qyzyǵýshylyq bildirip jatqandar kóp. Oqyrmandar túrli pikirler jazyp, oqıǵanyń mán-jaıyn surap jatyr.
Ǵanı Nazarbek myrzanyń osy posty boıynsha barys týraly vıdeo «Іle-Alataýy memlekettik ulttyq tabıǵı parki» respýblıkalyq memlekettik mekemesiniń Aqsaı fılıalynda túsirilgen eken. Ulttyq park aýmaǵyn barys burynnan beri mekendeıdi, deıdi osy sala mamandary.
«Osyǵan oraı búgin Ulttyq parktiń ǵylymı zertteý bóliminiń mamany men Aqsaı fılıalynyń ańtanýshy-bıolog mamany Aqsaı fılıalyna zertteý jumystaryn júrgizýge shyqty»,-dedi Qazaqstan Respýblıkasy Ekologııa, geologııa jáne tabıǵı resýrstar mınıstrligi Qoǵammen baılanys departamentiniń dırektory Oljas Berkinbaev.
Vıdeodan alynǵan kadr