«Aýyl - El besigi» jobasyna qosymsha 55 mlrd teńge bólinedi

ASTANA. QazAqparat – Bıyl «Aýyl - El besigi» jobasyna qosymsha 55 mlrd teńge bólý josparlanyp otyr. Bul týraly Ortalyq kommýnıkatsııalar qyzmetindegi brıfngide QR Ulttyq ekonomıka vıtse-mınıstri Baýyrjan Omarbekov aıtty, dep habarlaıdy QazAqparat tilshisi.

«Aǵymdaǵy jyly «Aýyl - El besigi» jobasyna 143 mlrd teńge bólindi. Bul qarjyǵa 736 aýylda 1 500-den astam joba iske asyrylatyn bolady. Sonymen qatar, 2023 jylǵy respýblıkalyq bıýdjetti naqtylaý sheńberinde qosymsha 55 mlrd teńge bólý josparlanýda. Bul 120-dan astam turǵyn úı-kommýnaldyq sharýashylyq nysanyn, 275 áleýmettik ınfraqurylym nysanyn jáne 1 300 kólik ınfraqurylymy jobasyn iske asyrýǵa múmkindik beredi», - dep josparlardy málim etti Baýyrjan Omarbekov.

Sonymen birge, brıfıngi barysynda vıtse-mınıstr óńirlerdegi jergilikti organdar úshin júrgiziletin memlekettik satyp alý rásimderi jeńildeıtinin atap ótti.

Buǵan qosa, ol «Jergilikti ózin-ózi basqarý týraly» QR Zań jobasy sheńberinde maslıhatqa ákimniń jumysyna monıtorıng jasaý ókilettigi beriletinin aıtty.