«Aýyl - el besigi» jobasy 5,5 mln adam turatyn eldi mekenderdi jańǵyrtady
«Ýrbanızatsııa - sońǵy 10 jyldaǵy álemdik megatrendterdiń biri. Qazaqstan da bul úrdisten tys qalmady. Jyl saıyn halyqtyń ósýimen birge, qala halqynyń úlesi artýda. Basqarylatyn ýrbanıtsazııa tıimdi túrde áleýmettik-ekonomıkalyq progreske jáne halyqtyń tabysyn arttyrýǵa yqpal etedi. Sońǵy 7 jyldyń ishinde qalalardaǵy turǵyndardyń sany 10 mln 700 myń adamǵa jetti. Aýyl halqynyń sany 3,5 paıyzǵa azaıdy. Qazirgi tańda respýblıkadaǵy 6,5 aýyldyq eldi mekende 7,7 mln adam nemese eldegi halyqtyń shamamen 42 paıyzy turady. «Aýyl - el besigi» jobasynyń 2025 jylǵa deıin júzege asyrý - 5,5 mln adam turyp jatqan damý áleýeti joǵary eldi mekenderdi jańǵyrtýǵa múmkindik beredi», - dedi Jeńis Qasymbek Úkimet otyrysynda.
Úkimet basshysynyń orynbasary atap ótkendeı, 7 jyl ishinde basqarylatyn ýrbanızatsııa úlesteri arqyly joba boıynsha 2025 jylǵa deıin 6,1 mln adamǵa jetetin tirek aýyldardaǵy jaıly ómir súrý ortasyn qurý kútilýde.
Eske sala ketsek, búgingi Úkimet otyrysynda Premer-Mınıstrdiń orynbasary Jeńis Qasymbek «Aýyl - el besigi» jobasyn iske asyrý jumystary bastalǵanyn jarııa etip, jobany júzege asyrýdyń tásilderin ataǵan bolatyn.
Óz kezeginde QR Premer-Mınıstri Asqar Mamın jaýapty mınıstrlikter men óńir ákimdikterine aýyldardy tıimdi jańǵyrtýdy qamtamasyz etip, jergilikti turǵyndardyń turmys sapasyn arttyrýdy tapsyrǵan bolatyn.