Aýyl – el besigi: Saıramda birqatar nysandar kúrdeli jóndeýden ótti

SAIRAM. QazAqparat – Túrkistan oblysy Saıram aýdanynda birqatar nysandar «Aýyl – El Besigi» jobasy aıasynda kúrdeli jóndeýden ótti. Qaıta retke keltirilgen ǵımarattar qatarynda bilim, mádenıet jáne densaýlyq saqtaý nysandary bar, dep habarlaıdy QazAqparat tilshisi.

Aýdan ortalyǵyndaǵy Q.Jandarbekov atyndaǵy Mádenıet úıi jyldar boıy jóndeý kórmeı, tozyǵy jetken bolatyn. Endigi jerde bul ǵımarat tolyǵymen jańaryp, jýyrda paıdalanýǵa berilmek.

Nysan sondaı-aq, tabıǵı gaz arqyly jylytý júıesimen qamtamasyz etilgen.

Atalǵan joba aıasynda Aqsýkent jáne Mankent aýyldaryndaǵy bilim jáne densaýlyq saqtaý jáne mádenıet nysandaryna da kúrdeli jóndeý jumystary júrgizildi.

Sonymen qatar eki aýyldyq okrýgtegi 10 joldyń ortasha jóndeý jumystary qarqyndy jalǵasýda.

Aıta keteıik, kúni keshe Túrkistan oblysy ákiminiń orynbasary Sáken Qalqamanov Saıram aýdanyna jumys sapary barysynda qurylysy aıaqtalǵan birqatar nysandy aralap, qazirgi jaǵdaıymen tanysyp shyqqan bolatyn.