«Aýyl-el besigi» baǵdarlamasy: Egindikól aýdanyna 203 mıllıon teńge bólindi

KÓKShETAÝ. QazAqparat - Aqmola oblysynyń Egindikól aýdanynda «Aýyl – El besigi» baǵdarlamasy sheńberinde jeti jobany júzege asyrý úshin respýblıkalyq bıýdjetten 203,1 mıllıon teńge bólindi. Bul týraly brıfıngte aýdan ákimi Erlan Muhamedın málim etti, dep habarlaıdy QazAqparat tilshisi.

«Egindikól aýylynda kentishilik joldardy jóndeý jumystary júrgizildi, jeti kóshege asfalt tóseldi. «Aýyl – El besigi» baǵdarlamasynan basqa, Egindikól aýdany aýyldarynyń joldaryna asfalt tóseý úshin «Óńirlerdi damytý» baǵdarlamasy sheńberinde oblystyq jáne jergilikti bıýdjetterden qarajat bólindi», - dedi aýdan ákimi Erlan Muhamedın.

Aýdan ákimi atap ótkendeı, Egindikól jáne Poltavskoe aýyldarynyń kóshelerin jóndeý úshin oblystyq bıýdjet esebinen 147,5 mıllıon teńge qarjy bólinip, asfalt tóseldi. Al Uzynkól aýylynda kentishilik joldarǵa aǵymdaǵy jóndeý jumystary júrgizildi.

«Alakól aýyldyq okrýgi men Spırıdonovka aýylyndaǵy kósheler jergilikti bıýdjet esebinen 22,6 mıllıon teńge qarjyǵa jóndeldi. Oblys basshylyǵynyń qoldaýynyń arqasynda bıyl aýdanymyzdyń tórt aýylyndaǵy 22 kósheniń kóshe-jol jabynynyń sapasy jaqsardy», - dep túıindedi E.Muhamedın.