«Aýyl – el besigi» baǵdarlamasy: bir aýylda eki sport zaldyń qurylysy bastaldy

TÚRKІSTAN. QazAqparat – Túrkistan oblysy Kentaý qalasyna qarasty Hantaǵy aýylyndaǵy A.Qunanbaev jáne A.Pýshkın atyndaǵy mektepterde zamanýı úlgidegi sport zaldardyń qurylysy bastaldy, dep habarlaıdy QazAqparat tilshisi.

Alty myńnan astam turǵyny bar aýylda eki mektep bar. Buǵan deıin bilim berý mekemeleriniń oqýshylary mektep ishindegi standartqa saı kelmeıtin zalda dene shynyqtyrý sabaǵyn ótip kelgen.

QR Táýelsizdiginiń 30 jyldyǵy qarsańynda aýyl mektepterine qoldaý kúsheıtilip, jasóspirimderdiń sportpen shuǵyldanýyna jaǵdaı jasalyp otyr.

Jospar boıynsha nysandar 2022 jyldyń sáýir aıynda tapsyrylýy qajet. Qazirgi tańda qurylys nysanyndaǵy jumystary kestege saı júrip jatyr.