Aýyl amanaty: Túrkistanda baǵdarlama aıasynda jasaqtalǵan 50 bıznes joba talqylandy
Túrkistan oblysynyń ákimi Darhan Satybaldynyń memlekettik baǵdarlamalardyń múmkindikterin tıimdi paıdalaný jáne halyq arasynda keńinen nasıhattaý jónindegi tapsyrmasy aıasynda óńirde halyqtyń tabysyn arttyrýǵa baǵyttalǵan «Aýyl amanaty» jobasy boıynsha júıeli jumystar júrgizilip jatyr. Osy oraıda, oblys ákiminiń orynbasary Nuralhan Kósherovtyń tóraǵalyǵymen «Aýyl amanaty» jobasynyń 6-baǵyty aıasynda nesıelendirý tártibi boıynsha jıyn ótti. Jıynǵa áleýmettik kásipkerlik korporatsııasy, «Yrys» MQU jáne «Ońtústik» aımaqtyq ınvestıtsııalyq ortalyǵynyń ókilderi jáne oblys kásipkerleri qatysty.
Jıynda oblystyq kásipkerlik jáne ónerkásip basqarmasynyń basshysy Nurjigit Myrzahmetov oblys ákiminiń tapsyrmasyna sáıkes ázirlengen 50 bıznes jobany tanystyrdy. Qolǵap pen shulyq shyǵarý, shege, untaq jáne hımııalyq suıyqtyqtardy, qurylys materıaldaryn jasaý, plıtka óndirisi, jıhaz, aǵash buıymdary, jartylaı daıyn taǵamdar shyǵarý boıynsha kásip ıeleri óz bıznesterine qoldaý kórsetýdi suraıdy. Shyǵyny men paıdasy zerdelengen tanystyrǵan basqarma basshysy, budan bólek birqatar potentsıaldy joba pysyqtalyp jatqanyn jetkizdi.
Sondaı-aq, kezdesýde kásip ıeleri kedergi keltiretin ózekti máselelerdi ortaǵa salyp, jer jáne ınfraqurylym týraly sóz qozǵady.
Kásipkerlerdiń jobalarymen jeke-jeke tanysqan oblys ákiminiń orynbasary qoldaý kórsetýge daıyn ekenin jetkizdi.
«Іs bastaımyn deseńizder, eshqandaı qarsylyq bildirmeımiz. Kerisinshe, isteımin degen azamatqa qoldaý kórsetemiz. «Aýyl amanaty» baǵdarlamasyna halyqty tartý kerek. Múmkinshilik kóp. Memleket usynǵan qoldaýdy tıimdi paıdalanyp, jumys isteý kerek. Tek aýyl sharýashylyǵymen ǵana aınalysyp qoımaı, basqa da kásipke beıimdelgen jón. Kótergen máselelerińizdi zań aıasynda qarap, ońtaıly sheshýge kúsh salamyz. Birlesip jumys atqaraıyq», - dedi Nuralhan Kósherov.
Jıyn sońynda kezekti otyrys ýaqyty belgilenip, kóterilgen máseleler boıynsha atqarylǵan jumys nátıjesin saralaý kelisildi. Sondaı-aq, oblys ákiminiń orynbasary jaýapty basshylarǵa tanystyrylǵan 50 bıznes jobany qarjylandyrý deńgeıine deıin súıemeldeý jumystaryn júrgizýdi tapsyrdy.