Aýyl ákimi bolý áıel úshin aýyr jumys dep oılaǵan emespin - Tolqyn Beısenbaeva
- Tolqyn Sattarqyzy, búgingideı naryq bılegen kúrdeli kezeńde aýyl ákimi bolý ońaı sharýa emes ekendigi belgili. Aýyl turǵyndary kúndelikti kezdesip jatatyn barlyq qıyndyqtarda ákimge aryzdanady. Osy oraıda, ózińizdiń búgingi atqaryp júrgen jumystaryńyzǵa kóńilińiz tola ma?
- Aýyl ákimderiniń qolynda mórinen basqa eshteńesi joq bolǵan qıyn kezeńder artta qaldy. Men 2002 jyldan beri memlekettik qyzmette eńbek etip kelemin. 2015 jyldan beri Aqsý qalasyna qarasty Evgenevka selolyq okrýginiń ákimi laýazymyndamyn. Qazir, qudaıǵa shúkir, jaǵdaıymyz jaqsy. Óz bıýdjetimiz, qyzmettik avtokóligimiz, kásibı mamandardan quralǵan apparatymyz bar. ıAǵnı, tolyqqandy jumys isteýge múmkindik jasalǵan. Evgenevka selolyq okrýginiń ákimshilik-aýmaqtyq quramynda Evgenevka, Úshterek jáne Solvetka aýyldary kiredi.
Selolyq okrýgte 3 JShS, 23 sharýa jáne fermerlik qojalyq jumys isteıdi. 606 oqýshyny qamtyǵan 2 orta mektep jáne negizgi mektep, dárigerlik ambýlatorııa, feldsherlik-akýsherlik pýnkt, 2 aýyldyq kitaphana, 75 orynǵa arnalǵan balabaqsha, mádenı-saýyq ortalyǵy, 2 poshta bólimshesi, ATS, 10 saýda obektisi, onyń ishinde 2 áleýmettik dúken, kafe, janar-jaǵarmaı stantsııasy, jasandy jabyny bar shaǵyn fýtbol alańy, hokkeı alańy jumys isteıdi.
2016 jyly Úshterek aýylynda 600 bas iri qara malǵa sút-taýarlyq ferma ashyldy. Evgenevka aýyly sharýa qojalyqtarynyń demeýshilik kómek kórsetý esebinen turmystyq servıs Ortalyǵyn ornalastyrý úshin burynǵy FAP (feldsherlik-akýsherlik pýnkt - avt.) ǵımaraty satyp alynyp, qalpyna keltirildi. Sonymen qatar «Úshterek jáne K» JShS Úshterek aýylynda balabaqsha ashý úshin aýyldyq keńesiniń burynǵy keńse ǵımaratyn satyp aldy.
Úshterek aýylynda balalar oıyn alańy, Evgenevka aýylynda kóshe jattyǵý qurylǵysymen demalys orny, kóshe jaryǵynyń qosymsha shamdary, qoqysqa arnalǵan konteınerler jasalyp, ornatyldy. «Jumyspen qamtýdyń jol qartasy - 2020» baǵdarlamasy aıasynda jáne basqa qarjy kózderi arqyly aýyl ishindegi joldarǵa 4,2 shaqyrym asfalt tóseldi, Úshterek aýyly orta mektebiniń shatyryna jóndeý júrgizildi.
Odan qaldy, aýyl aýmaǵynda ornalasqan seriktestikter men sharýa qojalyqtary da múmkindikterinshe qol ushtaryn berip turady. Osyǵan oraı, aýyl turǵyndary kezdesip jatatyn túrli máselelerdi sheshýge shama sharqymyzsha tyrysyp jatyrmyz. Zeınetkerler men múgedekterge, kópbalaly otbasylarǵa qoldaý kórsetýge erekshe kóńil bólemiz. Qarttar aıynda qarııalarymyzdyń birde-biri nazardan tys qalmaıdy. Sonymen birge, aýyldy kógaldandyrý, sanıtarlyq tazalyqty saqtaý, abattandyrý isteri de árdaıym nazarymyzda. Kóktemde ózim bas bolyp senbilikterge shyǵyp, kósheler men aýlalardy tazartamyz, kóshet otyrǵyzamyz. Júrgizilgen osyndaı sharýalardyń nátıjesi bolar, aýylymyz jyl sanap kórkeıip keledi.
- Ádette qyz-kelinshekter kóbine muǵalim, dáriger mamandyqtaryn tańdap jatady. Aýyl ákimi sııaqty aýyrtpalyǵy kóp jumysqa kelýińizdiń sebebi nede?
- Kezinde men de muǵalim boldym. Aýyl ákimi bolamyn dep oılaǵan joqpyn. Degenmen, 2015 jyldyń mamyr aıynda aýyl ákimi bolyp taǵaıyndalyp, sodan beri osy mindetti atqaryp kelemin. Árıne, ár jumystyń ózine tán aýyrtpalyǵy men jaýapkershiligi bolady. Názik jan áıelderge laıyqty dep sanalatyn muǵalim, dárigerdiń jumysynda da aýyrtpalyqtar jetip artylady. Qazir áıelder qara jumysty da, bazarda turyp saýda jasaýdy da úırenip, meńgerdi. Ózim eshqashan aýyl ákimi bolý áıel úshin aýyr jumys dep oılaǵan emespin.
- Mine, memlekettik qyzmetshi kúni de kelip qaldy. Áriptesterińizge, aýyldastaryńyzǵa qandaı tilek aıtar edińiz?
- Bıylǵy Elbasynyń halyqqa arnaǵan Joldaýynda zaman talabyna saı damý baǵdary aıqyndalyp, elimizdi álemniń damyǵan otyz memleketiniń qataryna engizý mindetteri belgilendi. Meniń balalyq shaǵym keńes zamanynda ótse, jastyq shaǵym ótpeli kezeńniń aýyr jyldaryna tap keldi. Elimizdiń táýelsizdigin ornyqtyryp, nyǵaıtý jolynda kóp sharýalar atqaryldy. Arqa tósinen ertegidegideı boı kótergen ásem qala - Astanamyz bar. Halyqtyń jaǵdaıy da jyldan jylǵa jaqsaryp keledi. Búkil el bolyp «EKSPO-2017» halyqaralyq mamandandyrylǵan kórmesin ótkizip jatyrmyz. Elimiz úshin bul - úlken abyroı, bedel. Aýyl ákimi úshin eń bastysy, elimiz tynysh bolyp, qazirgideı uıyǵan tynyshtyǵymyz ben tatýlyǵymyz saqtalsa, táýelsiz memleketimiz álemniń damyǵan elderiniń sanatynan kórinip, kók týymyz árdaıym bıikte jelbireı bersin dep tileımin.
- Suhbatyńyzǵa rahmet.