Aýyl ákimderine esep-qısap jasaý negizderi oqytylady
QR Parlamenti Májilisi ózin-ózi basqarýdyń jeke bıýdjeti men kommýnaldyq jekemenshigin engizýdi kózdeıtin jergilikti ózin-ózi basqarýdy damytý máseleleri jónindegi zań jobasyn birinshi oqylymda maquldaǵan bolatyn.
QR Ulttyq ekonomıka vıtse-mınıstri Aıbatyr Jumaǵulov atap ótkendeı, bıýdjetti josparlap, ony oryndaýǵa qatysty, sondaı-aq, kommýnaldyq jekemenshikti basqarýǵa qatysty jańa qyzmetterdi atqarý úshin ákimder men apparat qyzmetkerleriniń biliktiligin arttyrý óte mańyzdy másele.
«Zerde» oqytý ortalyǵynyń bazasynda 2016 jyly 1381 aýyl ákimi nemese Qazaqstandaǵy búkil aýyl ákimderiniń 56 paıyzy oqýdan ótti.
Vıtse-mınıstr habarlap ótkendeı, Memlekettik basqarý akademııasy aımaqtyq oqytý ortalyqtarymen (AOO) birlese otyryp, aýyl ákimderi men apparat qyzmetkerleri úshin memlekettik ózin-ózi basqarý organdarynyń qyzmetin basqarýdyń quqyqtyq negizderi týraly, bıýdjetti josparlaý, ázirleý, qorǵaý men oryndaý tártibi týraly, býhgalterlik esep pen ózge de esepterdi uıymdastyrý men júrgizýdiń erekshelikteri týraly semınarlar uıymdastyrdy.
«2016 jyly osy baǵdarlama aıasynda 470 aýyl ákimi men apparattyń 2083 qyzmetkeri oqýdan ótti», - dep atap ótti ol.
Vıtse-mınıstr atap ótkendeı, zań jobasyn qabyldaý úshin aýyl ákimderi men apparat qyzmetkerleri bıýdjetti josparlap, oryndaý salasyna, esep júrgizip, kommýnaldyq kásiporyndardy quryp, basqarý salasyna qajetti bilim men daǵdyǵa ıe bolýy kerek.
«Ákimder men apparat basshylaryn oqytý úshin jańa maqsatty baǵdarlama iske qosylady. Ulttyq ekonomıka mınıstrligi ákimderdi 4-shi deńgeıli bıýdjetpen jumys isteýge daıyndaý úshin jalpy úılestirý jumystaryn júrgizbek. Memlekettik basqarý akademııasynyń bazasynda AOO 36 oqytýshysy daıyndalyp, oqytýshylar men ákimderge jáne apparat qyzmetkerlerine arnalǵan bıýdjettik protsess pen kommýnaldyq menshikti basqarý jónindegi oqý-ádistemelik keshen daıyndalady», - dep habarlady Jumaǵulov.
Onyń aıtýynsha, osy atalǵan oqytýshylar daıyndyqtan ótkennen keıin, 14 aımaqtyq oqytý bazasynda aýyl ákimderi men apparat qyzmetkerleri úıretile bastaıdy.
Al, semınarlarǵa qatysqandardyń jaýapkershiligin arttyrý úshin oqý aıaqtalǵannan keıin, alǵan bilimderin tekserý maqsatynda elektrondy túrde synaq alynady.
«Aqpan aıynda memlekettik basqarý Akademııasy AOO-nyń 36 oqytýshysy men aýyl ákimderine jáne apparat qyzmetkerlerine arnap, oqytý baǵdarlamasy men oqý-ádistemelik keshen ázirlenedi. 2017 jyldyń naýryzynda memlekettik basqarý Akademııasynyń bazasynda AOO-nyń oqytýshylary úshin 5 kúndik kýrs bastalady. Al, 2017 jyldyń sáýir-shilde aılarynyń aralyǵynda bilimin jetildirgen sol oqytýshylar AOO-nyń bazasynda ákimder men apparat qyzmetkerlerin úıretedi», - dep habarlady vıtse-mınıstr.
Sondaı-aq, jańa taǵaıyndalǵan ákimder men apparattyń jańa qyzmetkerleri úshin bul kýrstar júıeli túrde ótip turady. Ulttyq ekonomıka mınıstrligi sondaı-aq, qosymsha retinde, bıýdjet protsesin uıymdastyrý jáne kommýnaldyq menshikti basqarý salalaryndaǵy mamandardy tarta otyryp, oqytýǵa arnalǵan vıdeorolıkter túsirip otyrady. Bul vıdeo-sabaqtar mınıstrlikter men ákimdikterdiń resmı ınternet-resýrstaryna jarııalanady, ıaǵnı, kez kelgen ýaqytta, onlaın-rejımde qoljetimdi bolady.
Jumaǵulovtyń aıtýynsha, ákimder sııaqty, býhgalterlik esep pen quqyqtyq qamtamasyz etý máselelerimen aınalysatyn qyzmetkerler de maqsatty aýdıtorııaǵa jatqyzylady. 2000 adamnan astam halqy bar aýyldar oqytýdyń birinshi kezeńimen qamtylady. Qazir respýblıka boıynsha bundaı aýyldardyń sany - 1066. Jalpy, 3198 memlekettik qyzmetshini, sonyń ishinde, 1066 ákim men 2132 apparat qyzmetkerin oqýmen qamtý kózdelgen.