Aýyl ákimderin «Aýyl Amanaty» baǵyty boıynsha oqytý bastaldy
Bul aýyl ekonomıkasyn damytýdy jáne turǵyndardyń tabys deńgeıin arttyrýdy kózdeıtin «Aýyl Amanaty» baǵytynyń birinshi kezeńi. Osy baǵyttyń basty bóligi – halyqtyń tabys deńgeıin arttyrý ındıkatory boıynsha aýyldar men aýdandar ákimderiniń qyzmetin baǵalaý júıesin engizý.
Aqmola oblysyna kelgen vıtse-premer Eraly Toǵjanov Sh. Ýálıhanov atyndaǵy Kókshetaý ýnıversıtetindegi dáriske qatysty. Aýyl ákimderi óz suraqtaryn qoıýǵa múmkindik alyp, olarǵa tolyq jaýap aldy.
«Ózderińiz biletindeı, 14 sáýirde halyqtyń tabysyn arttyrý boıynsha keshendi jospar bekitildi. Aıta ketý kerek, halyqtyń naqty tabysyn arttyrý múmkindigi paıda boldy, sondaı-aq budan bylaı osy baǵdarlamany oryndaý sizderdiń qyzmetterińizdi baǵalaýǵa tikeleı áser etetin bolady. Atalǵan semınar 13 maýsymda Aqmola, Aqtóbe jáne Qyzylorda oblystarynda bastaldy. Barlyǵy 2400-ge jýyq aýyl ákimin oqytýdy josparlap otyrmyz», - dedi Eraly Toǵjanov.
Semınar úsh kúnge josparlanǵan. «Amanat» partııasynyń Hatshysy Eldar Jumaǵazıevtiń aıtýynsha, oqytý barysynda qatysýshylar aýyl skrınıngi men marketıngilik taldaý júrgizýdi, aýyl ekonomıkasyn damytýdyń perspektıvalyq baǵyttaryn aıqyndaýdy, aýyldy bir salaǵa mamandaýdy úırenedi. Sondaı-aq aýyl ákimderi tabysy bar degen bıznes-jobalardy iske asyrýdyń praktıkalyq daǵdylaryn meńgeredi.
«Oqytý aýyl ákimderine aýyldardaǵy úı sharýashylyqtarynyń tabystaryn naqty arttyrýǵa qol jetkizýge, «2025 jylǵa deıingi halyqtyń tabysyn arttyrý « memlekettik baǵdarlamasyn iske asyrý sheńberinde jumys oryndaryn qurýǵa kómektesedi. Osy baǵdarlamanyń basymdyqtarynyń biri - aýyl sharýashylyǵynda jumyspen qamtýdy arttyrý; týrızmde jumyspen qamtýdy arttyrý jáne halyqtyń tabysyn arttyrý faktory retinde kásipkerlik tabystyń ósýin yntalandyrý bolyp tabylady», - dedi E.Jumaǵazıev.
Oqý protsesinde daǵdylardy praktıkada iske asyrýǵa basa nazar aýdarylady. Sondyqtan semınar barysynda qatysýshylar alǵan bilimderin ózekti keısterdi (jem-shóp ázirligi, ІQM sút baǵytyn damytý, etti ІQM jáne UM, JQSh úshin irimshik jasaý, TQS, sulýlyq salony, tigin sheberhanasy jáne t.b.) mysalǵa keltire otyryp, pysyqtaıdy.
Semınar nátıjesi boıynsha qatysýshy aýyl bıznesiniń skrınıngin óz betinshe uıymdastyryp, júrgize alady, zertteý qorytyndysy boıynsha mamandandyrý men ekonomıkalyq turǵyda tıimdi bıznes-jobalardy anyqtaıdy, sonymen qatar alǵan bilim negizinde olardy iske asyrady. Bıznes-josparlardy daıyndaýdy úırený, jobalardy qarjylandyrýdyń, sertıfıkattaý men standarttaýdyń múmkin kózderi týraly tolyq aqparat alady. Kooperatıvterdi uıymdastyrý jáne ótkizý tizbegin qurý júıesin meńgeredi. Ár salanyń tehnologııalyq kartalary boıynsha usynystardy saqtaý arqyly tıimdi óndiris protsesteri boıynsha túsinikteme alady.
Birinshi kezeńde 517 aýyl ákimi oqytylady.