«Automechanika Astana - 2024» avtomobıl kórmesi ashyldy
QR Týrızm jáne sport mınıstrligi málim etkendeı, is-sharany Business Media Central Asia Týrızm jáne sport mınıstrliginiń qoldaýymen jáne Business Media Central Asia seriktestigi negizinde uıymdastyrýda. Kazakh Tourism Ulttyq kompanııasy AQ bıylǵy naýryz aıynda Qytaıdaǵy Qazaqstan týrızmi jylynyń ashylýy aıasynda Messe Frankfurt Azııa aımaǵy boıynsha ókildigimen (Gonkong q.) yntymaqtastyq týraly memorandýmǵa qol qoıǵan bolatyn.
Kórme 17-19 sáýir kúnderi Astanadaǵy EHRO halyqaralyq kórme ortalyǵynda ótedi. Halyqaralyq aýdıtorııaǵa ınnovatsııalyq ónimder, qyzmetter men tehnologııalardyń keń aýqymy kórsetiledi.
Automechanika Astana — 2024 kórmesine álemniń 20 elinen 450-den astam eksponat qoıylǵan. Sonymen qatar úsh ulttyq pavılon jumys istep tur. Kórmege 15 000-nan asa adam keledi dep kútilýde. Kórme ekspozıtsııasynyń aýdany shamamen 14000 m² quraıdy.
Іs-sharanyń ashylý saltanatyna Týrızm jáne sport vıtse-mınıstri Erjan Erkinbaev qatysty.
«Qytaıdaǵy Qazaqstan týrızmi jylynyń ashylýy aıasynda Messe Frankfurt iri kompanııalarynyń birimen yntymaqtastyq týraly memorandýmǵa qol qoıdyq. Osy ýaǵdalastyq aıasynda Messe Frankfurt Automechanika Astana 2024 halyqaralyq kórmesin uıymdastyryp jatyr. Astana — elimizdiń saıası, ákimshilik, iskerlik jáne mádenı ortalyǵy. Qalada Ortalyq Azııadaǵy MICE týrızmniń ortalyǵy dep ataýǵa qajetti barlyq ınfraqurylym bar. Biz atalǵan qyzmetterdi týrıster úshin yńǵaıly jáne tartymdy etýge tyrysamyz. Bul óz kezeginde, ulttyq ekonomıkanyń damýyna jáne onyń álemdik naryqqa ıntegratsııalanýyna aıtarlyqtaı áser etedi. Mysaly, Automechanika Astana 2024 kórmesine 15 000 adam keledi dep kútilýde. Onyń ishinde 3000-y alys sheteldiń azamattary. Statıstıka boıynsha, elimizge kelgen árbir týrıst elde bolǵan ýaqytta keminde 1400 dollar jumsaıdy», — dedi Erjan Erkinbaev.
Qatysýshy elderdiń qatarynda Qytaı, Danııa, Germanııa, Úndistan, Ispanııa, Italııa, Lıtva, Malaızııa, Taıland, Túrkimenstan, Túrkııa, BAÁ, Polsha, Reseı Federatsııasy, Belarýs, AQSh, Estonııa, Ońtústik Koreıa, Japonııa bar.
Bul — Ortalyq Azııadaǵy iskerlik jáne kongresstik týrızmniń habyna aınalǵan Qazaqstanǵa degen jahandyq qyzyǵýshylyqty kórsetedi.