Aýstrııa kantsleri otstavkaǵa ketetinin málimdedi

<p>ASTANA. KAZINFORM &ndash; Karl Nehammer Aýstrııanyń konservatıvti halyq partııasy (AHP) men sotsıal-demokratııalyq partııasy (ASDP) arasyndaǵy koalıtsııalyq kelissózderdiń sátsiz aıaqtalǵanyn málim etti, dep habarlaıdy Kazinform<a href="https://www.dw.com/ru/kancler-avstrii-ujdet-v-otstavku-posle-provala-koalicionnyh-peregovorov/a-71217977" target="_blank" rel="noopener"> DW</a> aqparat agenttigine silteme jasap.</p>

Aýstrııa kantsleri Karl Nehammer otstavkaǵa ketetinin málimdedi.

- Biz uzaq jáne shynaıy kelissózder júrgizdik. ASPD-men negizgi máseleler boıynsha kelisý múmkin emes. Halyq partııasy óz ýádelerine berik. Biz áleýmettik jeńildikter men bızneske baǵyttalǵan sharalarǵa, sondaı-aq jańa salyqtardy engizýge kelispeımiz, - dedi Nehammer.

Ol ASDP-men kelissózderdi toqtatyp jatqanyn jáne ony jalǵastyrmaıtynyn atap ótti.

- Federaldyq kantsler, sondaı-aq Halyq partııasynyń tóraǵasy retinde men jaqyn kúnderi ketemin, - dep atap ótti mınıstrler kabınetiniń basshysy.

Reuters agenttiginiń habarlaýynsha, Aýstrııada jańa parlament saılaýy josparlanýy múmkin.

Jeltoqsanda Býndestag depýtattarynyń kópshiligi Olaf Sholts úkimetine senimsizdik votýmyn qoldady.

Aqpan aıynda onda jańa saılaý ótedi.