Aýstralııada turǵyndarǵa jappaı vaktsına egý protsesi bastaldy
10:03, 22 Aqpan 2021
NUR-SULTAN. QazAqparat - Aýstralııada turǵyndarǵa jappaı vaktsına egý protsesi bastaldy, dep habarlaıdy VVS.
Vaktsınanyń senimdiligine halyqtyń kózin jetkizý úshin alǵashqylardyń biri bolyp eldiń premer-mınıstri Skott Morrıson ekpe aldy. Oǵan koronavırýsqa qarsy ekpe egý sáti telearnadan kórsetildi. Vaktsınanyń birinshi dozasyn alǵan alǵashqy naýqas – 85 jastaǵy Djeın Malysıak.
Kampanııanyń alǵashqy kúni shaǵyn top vaktsınalandy: negizinen, medıtsına qyzmetkerleri men qarttar úıiniń turǵyndary.
Apta ishinde 60 myń adamǵa vaktsına egý josparlanyp otyr. Aýstralııa qazirgi ýaqytta paıdalanýǵa Pfizer ı AstraZeneca vaktsınasyn maquldady.
Aýstralııada pandemııa bastalǵaly 29 myńǵa jýyq adam koronavırýs juqtyryp, 909-y qaıtys boldy.