Aýstralııada koronavırýs vaktsınasyn alýy mindetti mamandyqtar tizimi keńeıtilmek
Bul týraly premer-Mınıstrdiń 28 maýsymda keshke eldiń ulttyq kabıneti otyrysynyń qorytyndysy boıynsha taratylǵan málimdemesinde aıtylǵan, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.
«Qart adamdardy qamqorlyǵyna alǵan kez-kelgen mekeme azamattardy jumysqa qabyldaý aldynda olardan COVID-19-ǵa qarsy egilgenin rastaıtyn qujatty mindetti túrde talap etýi shart. Al aımaqtar men Dostastyqtyń tıisti bılik organdary onyń saqtalýyn baqylaýǵa alýǵa mindetti», - delingen málimdemede.
Premer-mınıstr qarttar úıleri, múgedekter men qarttarǵa arnalǵan ınternattardyń barlyq qyzmetkerleri vaktsınanyń alǵashqy dozasyn 2021 jyldyń qyrkúıek aıynyń ortasynan keshiktirmeı qabyldaýy kerek ekenin atap ótti.
Ulttyq kabınet, sonymen qatar, koronavırýs ınfektsııasyna qarsy mindetti túrde egilýi tıis azamattardyń mamandyǵyna qatysty tizimdi keńeıtý máselesin qarastyryp jatyr. Jaqyn arada oǵan memlekettik karantın júıesiniń qyzmetkerlerin qosý josparlanǵan. Kelesi kezeńde áýejaılar men avıatsııalyq ınfraqurylym salasynyń barlyq qyzmetkerleri, sondaı-aq aımaqaralyq júk tasymaly jáne taý-ken óndirisi júıesinde jumys isteıtin azamattar tizimdi tolyqtyratyn bolady.