Aýstralııa chempıonatynda Anna Danılına jeńilip qaldy

<p>ASTANA. KAZINFORM - Qazaqstannyń juptyq syndaǵy birinshi, álemniń 44-raketkasy Anna Danılına Aýstralııa ashyq chempıonatynyń ekinshi aınalymyna shyǵa almady.</p>

Qazaqstandyq tennısshi slovakııalyq Vıktorııa Grýnchakovamen birge alǵashqy aınalymda amerıkalyqtar Karolın Dolhaıd - Peıton Stırnspen sheberlik baıqasty.

Birinshi partııada qazaqstandyq-slovakııalyq jup taı-breıkte sátti oınady - 7:6 (7:3).

Budan keıin amerıkalyq dýet kúsh alyp ketti - 6:4, 6:4.

Tartysty báseke saǵat jarymdaı ýaqytqa sozyldy.

Osylaısha, Aýstralııa ashyq chempıonatynda Qazaqstannan Elena Rybakına ǵana qaldy.

Eske sala keteıik, budan buryn Mıhaıl Kýkýshkınniń Ispanııadaǵy týrnırdiń ekinshi aınalymyna shyqqanyn jazǵan bolatynbyz.