Australian Open: Qazaqstandyqtardan birinshi bolyp Ámir Omarhanov shırek fınalǵa shyqty

<p>ASTANA. KAZINFORM &ndash; Qazaqstandyq Ámir Omarhanov jasóspirimder arasynda Aýstralııa ashyq chempıonatynyń shırek fınalyna shyqty.</p>

Álemde jasóspirimder reıtıngisinde 27-orynda turǵan Qaraǵandy tennıs mektebiniń túlegi qazaqstandyqtardan alǵashqy bolyp osyndaı nátıjege qol jetkizip otyr.

Ámir Omarhanov úshinshi aınalymda álemdik reıtıngide ózinen bir saty joǵary turǵan ońtústikkoreıalyq Chandjýn Kımdi qapy qaldyrdy.

Birinshi sette qazaqstandyq sportshy 6:3 esebimen basymdylyq tanytsa, ekinshisinde Kım ese qaıyrdy.

Esesine sheshýshi, úshinshi sette Omarhanov 19 mınýtta qarsylasyna esh múmkindik qaldyrǵan joq – 6:0.

Tartysty báseke saǵat jarymnan astam ýaqytqa sozyldy.

Ámir Omarhanov jartylaı fınalǵa shyǵý úshin jasóspirimder arasynda álemniń 25-raketkasy, nıderlandyq Mets Rotgerıngpen talasady.

Eske sala keteıik, budan buryn Aýstralııa chempıonatynda Asyljan Arystanbekovanyń jasóspirimder arasynda shırek fınalǵa shyqqanyn jazǵan bolatynbyz.

Sondaı-aq Denıs Evseev Belgııadaǵy týrnırdiń negizgi kezeńine joldama aldy.