Australian Open: ıÝlııa Pýtıntseva jekeleı synda ǵana jarys jolyn jalǵastyrady

<p>ASTANA. KAZINFORM &ndash; Qazaqstandyq tennısshi ıÝlııa Pýtıntseva juptyq synda Aýstralııa ashyq chempıonatynyń ekinshi aınalymyna shyǵa almady.</p>

Qazaqstandyq tennısshi beısenbi kúni aldymen jekeleı synda qytaılyq Chjan Shýaıdy 6:2, 6:1 esebimen oısyrata utqan edi.

Sodan keıin ıÝ.Pýtıntseva qytaılyq Van Sıýmen birge juptyq syndaǵy matchyn ótkizýine týra keldi. Qytaılyqtar Van Sınıýı –Chjen Saısaımen báseke sársenbi kúni jańbyr bolǵandyqtan, keıinge qaldyrylǵan edi.

Bul oıynda da qazaqstandyq-qytaılyq juptyń utatyndaı múmkindigi boldy. Aldymen qytaılyq dýet 6:2 esebimen basym tústi. Ekinshi sette Pýtıntseva – Sıý ese qaıyrdy – 6:3. Olar úshinshi, sheshýshi partııada esep 5:3 bolǵan mezette matchqa dop bergenimen, sol múmkindikterin paıdalana almady. Budan keıin qytaılyqtar kúsh alyp ketti – 7:5.

Osylaısha, ıÝ.Pýtıntseva jekeleı synda ǵana jarysty jalǵastyratyn boldy. Ol tórtinshi aınalymǵa ótý úshin álemniń 10-raketkasy, reseılik Darıa Kasatkınamen sheberlik talastyrady. Bul match 18 qańtarǵa belgilengen.

Qazaqstannyń birinshi raketkasy Elena Rybakına senbi kúni úshinshi aınalymda reıtıngide 33-orynda turǵan ýkraınalyq Daıana ıAstremskaıamen oınaıdy. Ótken jyly jartylaı fınalǵa deıin jetken D.ıAstremskaıa sol nátıjesin qaıtalaý úshin baryn salatyny anyq.

Eske sala keteıik, budan buryn Aýstralııa chempıonatynda ıÝlııa Pýtıntsevanyń úshinshi aınalymǵa joldama alǵanyn jazǵan bolatynbyz.

Sondaı-aq Elena Rybakına 17 jastaǵy tennısshiden aılasyn asyrdy.

Anna Danılına mıkstegi kezdesýin sátti ótkizdi.