ASTANA. KAZINFORM – Qazaqstannyń ekinshi, álemniń 94-raketkasy ıÝlııa Pýtıntseva Aýstralııa ashyq chempıonatynyń úshinshi aınalymyna shyqty.
Qazaqstandyq tennısshi ekinshi aınalymda álemniń 60-raketkasy, frantsııalyq Elza Jakemomen oınady.
Birinshi partııada Pýtıntseva aıqyn basymdylyq kórsetti – 6:1.
Ekinshi sette de sol qarqynynan tanǵan joq – 6:2.
Bir saǵat 14 mınýtqa sozylǵan básekede Pýtıntseva 6 breık-poınttyń beseýin múltiksiz paıdalandy. Jakemo 1 eıs, 1 breıkpen (7 breık-poınt) shekteldi.
ıÝlııa Pýtıntseva tórtinshi aınalymǵa ótý úshin álemdik reıtıngide 112-de turǵan túrkııalyq Zeınep Sonmezben talasady. Ol bastapqy kezdesýinde sensatsııa jasap, álemniń 11-raketkasy, reseılik Ekaterına Aleksandrovany 7:5, 4:6, 6:4 esebimen utty. Z.Sonmez «Úlken dýlyǵa» týrnırinde qarsylasyn jeńgen alǵashqy túrkııalyq tennısshi atandy. Zeınep búgin álemniń 74-raketkasy, majarstandyq Anna Bondardy qapy qaldyrdy – 6:2, 6:4.
ıÝlııa Pýtıntseva ótken jyly úshinshi aınalymǵa deıin jetken edi.
Budan buryn Elena Rybakınanyń bastapqy kezdesýin jeńispen aıaqtaǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).