Australian Open: qazaqstandyq tennısshiler juptyq synda jeńilip qaldy
Qazaqstannyń juptyq syndaǵy birinshi, álemniń 22-raketkasy Anna Danılına reseılik Irına Hromachevamen birge úmitti aqtaı almady.
Atalmysh «Úlken dýlyǵa» týrnıriniń 8-raketkasy bolyp tirkelgen A.Danılına – I.Hromacheva alǵashqy aınalymda reseılik Kamılla Rahımova – ıspanııalyq Sara Sorrıbes-Tormoǵa ese jiberdi – 3:6, 1:6.
Bir saǵat 15 mınýtqa sozylǵan básekede qazaqstandyq-reseılik dýet 1 eıs, 1 breıkpen (6 breık-poınt) shekteldi. Qarsylastary 9 breık-poınttyń beseýin paıdalandy.
Sondaı-aq Aleksandr Býblık pen Aleksandr Shevchenkonyń juptyq synda da joly bolmady.
Qazaqstandyq tandem nebári 44 mınýtta ýrýgvaılyq Arıel Bear – amerıkalyq Robert Galloýeıden utyldy – 4:6, 1:6.
Osylaısha, A.Býblık pen A.Shevchenko jarysty erte aıaqtady.
Áıelder arasynda jekeleı synda sensatsııalyq nátıje tirkeldi. Álemniń 5-raketkasy, qytaılyq, Parıj Olımpıadasynyń chempıony Chjen Tsınven ekinshi aınalymda reıtıngide 97-orynda turǵan germanııalyq Laýra Zıgemýndtan óte almady – 6:7 (3:7), 3:6.
Sonyń nátıjesinde Chjen Tsınven WTA Live reıtıngisinde 7-satyǵa yǵysyp, qazaqstandyq Elena Rybakına 6-orynǵa kóterilip tur.
Eske sala keteıik, budan buryn Aýstralııa ashyq chempıonatynda ıÝlııa Pýtıntsevanyń kambekpen kelesi aınalymǵa ótkenin jazǵan bolatynbyz.