Australian Open: Elena Rybakına juptyq synda shırek fınalǵa shyǵa almady

ASTANA. QazAqparat – Qazaqstannyń birinshi raketkasy Elena Rybakına juptyq synda Aýstralııa ashyq chempıonatynyń shırek fınalyna shyǵa almady, dep habarlaıdy QazAqparat tilshisi.

Qazaqstandyq tennısshi reseılik Anastasııa Pavlıýchenkovamen birge úshinshi aınalymda osy «Úlken dýlyǵa» týrnıriniń 10-raketkalary, japonııalyqtar Sıýko Aoıama – Ena Shıbaharamen sheberlik baıqasty.

Japonııalyq jup 6:2, 7:6 (9:7) esebimen jeńiske jetti.

Saǵat jarymnan astam ýaqytqa sozylǵan báseke barysynda E.Rybakına men A.Pavlıýchenkova 4 eıs jasap, 4 breık-poınttyń úsheýin paıdalandy. Qarsylastary 1 eıs, 5 breıkpen (9 breık-poınt) kózge tústi.

Elena Rybakına endi jekeleı synda ǵana jarys jolyn jalǵastyrady. Ol erteń álemniń 17-raketkasy, latvııalyq Elena Ostapenkomen jartylaı fınal joldamasyn sarapqa salady.

Eske sala keteıik, budan buryn Aýstralııa chempıonatynda Elena Rybakınanyń álemniń 1-raketkasyn utyp, shırek fınalǵa shyqqanyn jazǵan edik.

Sondaı-aq Elena Rybakınanyń kelesi qarsylasy anyqtaldy.

Anna Danılına jarys jolynan shyǵyp qaldy.

Foto: instagram.com/lenarybakina