Australian Open: Elena Rybakına juptyq synda kelesi aınalymǵa shyqty

ASTANA. QazAqparat – Qazaqstannyń birinshi, álemniń 25 raketkasy Elena Rybakına juptyq synda Aýstralııa ashyq chempıonatynyń úshinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi reseılik Anastasııa Pavlıýchenkovamen birge ekinshi aınalymda chılılik Aleksa Gýarachı – taıbeılik Chan Latıshamen kezdesti.

Qazaqstandyq-reseılik jup 55 mınýtqa sozylǵan matchta 6:1, 6:0 esebimen oısyrata jeńdi. Olar 4 eıs jasap, 12 breık-poınttyń teń jartysyn paıdalandy. Gýarachı men Latısha 1 breıkpen ǵana shekteldi.

E.Rybakına men A.Pavlıýchenkova shırek fınalǵa shyǵý úshin osy «Úlken dýlyǵa» týrnıriniń 10-raketkalary, japonııalyqtar Sýho Aoıama – Ena Shıbaharamen talasady.

Eske sala keteıik, budan buryn Aýstralııa chempıonatynda Elena Rybakınanyń jekeleı synda alǵash ret tórtinshi aınalymǵa shyqqanyn jazǵan edik.

Sondaı-aq Elena Rybakına álemniń birinshi raketkasymen oınaıdy.