Australian Open: Elena Rybakınanyń matchy úzdikter qataryna engizildi

<p>ASTANA. KAZINFORM &ndash; Australian Open týrnıriniń resmı saıty bıylǵy chempıonattyń úzdik matchtary týraly jazdy.</p>

Qazaqstannyń birinshi raketkasy Elena Rybakına men reseılik Anna Blınkovanyń ekinshi aınalymdaǵy básekesi úzdikter qataryna engizildi.

Atalmysh oıyn 6:4, 6:4, 7:6 (22:20) esebimen reseılik sportshynyń paıdasyna sheshilgen bolatyn.

«Jarystyń úshinshi raketkasy Elena Rybakına týrnır qarsańynda úzdik sanaldy jáne ony kóbi Arına Sobolenkonyń basty qarsylasy dep tanydy. Biraq qazaqstandyq tennısshi Anna Blınkovamen kezdesýde keskilesken aıqasqa tap boldy. Mundaı jaǵdaı ekinshi aınalymda Melbýrnda buryn bolmaǵan edi. Tartysty báseke 2 saǵat 46 mınýtqa sozylyp, sheshýshi settegi taı-breık tarıhqa endi. 32 mınýttyq taı-breık eń uzaqqa (42 upaıǵa deıin) sozyldy. Aqyrynda Blınkova onynshy match-poıntyn paıdalanyp, 22:20 esebimen jeńisti julyp aldy», - dep jazdy Australian Open saıty.

Eske sala keteıik, budan buryn Mıhaıl Kýkýshkınniń Germanııadaǵy jarysty jeńispen bastaǵanyn jazǵan edik.