Australian Open: áıelder arasynda fınalǵa shyqqan tennısshiler anyqtaldy
Osy «Úlken dýlyǵa» týrnıriniń ótken jylǵy chempıony, álemniń 2-raketkasy, Belarýs ókili Arına Sobolenko jartylaı fınalda dúnıejúzilik reıtıngide 4-orynda turǵan Korı Gaýftyń mysyn basty. Arına amerıkalyq tennısshini 7:6 (7:2), 6:4 esebimen jeńdi.
Osylaısha ol HHІ ǵasyrda hard tósenishinde «Úlken dýlyǵa» jarysynda qatarynan úshinshi ret fınalǵa shyqqan ekinshi tennısshi atandy. Budan buryn onyń otandasy Vıktorııa Azarenko 2012-2013 jyldary Aýstralııa jáne AQSh chempıonattarynda tórt birdeı fınalǵa joldama alǵan edi. Ol Aýstralııada eki jyl qatarynan jeńimpaz atansa, 2012 jáne 2013 jylǵy AQSh birinshiliginde amerıkalyq Serena Ýılıamske jol bergen bolatyn.
Sobolenko fınalda álemniń 15-raketkasy Chjen Tsınvenmen oınaıdy. Qytaılyq sportshy jartylaı fınalda reıtıngide 93-satydaǵy ýkraınalyq Daıana ıAstremskaıadan basym tústi – 6:4, 6:4.
Eske sala keteıik, budan buryn Aýstralııa ashyq chempıonatynda jasóspirimder arasynda qazaqstandyqtardan alǵash bolyp Ámir Omarhanovtyń jartylaı fınalǵa óte almaǵanyn jazǵan edik.
Qazaqstandyq Eva Korysheva Aýstralııadaǵy jarystyń jartylaı fınalynda oınaıdy.