ASTANA. KAZINFORM – Qazaqstandyq tennısshi Anna Danılına aralas jupta Aýstralııa ashyq chempıonatynyń ekinshi aınalymyna ótti.
Qazaqstandyq tennısshi amerıkalyq Djeıms Treısımen birge bastapqy kezdesýin ulybrıtanııalyqtar Olıvııa Nıkolls - Anrı Pattenmen ótkizdi. Qazaqstandyq-amerıkalyq jup 6:2, 6:3 esebimen basym tústi.
Nebári 57 mınýtqa sozylǵan básekede Danılına - Treısı 7 breık-poınttyń tórteýin paıdalandy. Ulybrıtanııalyqtar 3 eıs, 1 breıkpen kózge tústi. Osylaısha, qazaqstandyq tennısshi bir kúnde eki kezdesýin jeńispen támamdady.
Anna Danılına - Djeıms Treısı shırek fınalǵa shyǵý úshin kanadalyq Leıla Fernandes - aýstralııalyq Nık Kırospen talasady.
Eske sala keteıik, budan buryn Aýstralııa ashyq chempıonatynda Elena Rybakınanyń tórtinshi aınalymǵa joldama alǵanyn jazǵan edik.
Sondaı-aq Damır Jalǵasbaı jasóspirimder arasynda ekinshi aınalymǵa shyqty.
Odan bólek Anna Danılınanyń jekeleı synda shırek fınalǵa ótkenin habarlaǵanbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).