ASTANA. KAZINFORM – Qazaqstannyń juptyq syndaǵy birinshi, álemniń 14-raketkasy Anna Danılına Aýstralııa ashyq chempıonatynyń úshinshi aınalymyna shyqty.
Jarystyń 7-raketkasy bolyp tirkelgen A.Danılına serbııalyq Aleksandra Krýnıchpen birge ekinshi aınalymda aýstralııalyqtar, burynǵy reseılikter Darıa Kasatkına – Arına Rodıonovanyń mysyn basty.
Qazaqstandyq-serbııalyq jup 6:3, 6:4 esebimen jeńiske jetti.
Saǵat jarymǵa jýyq ýaqytqa sozylǵan básekede Danılına – Krýnıch 2 eıspen birge 12 breık-poınttyń teń jartysyn paıdalandy. Kasatkına – Rodıonova 1 eıs, 3 breıkten (8 breık-poınt) asa almady.
Anna Danılına – Aleksandra Krýnıchtiń kelesi qarsylastary keıin belgili bolady.
Eske sala keteıik, budan buryn Aýstralııa ashyq chempıonatynda Elena Rybakınanyń ekinshi jeńisine qol jetkizgenin jazǵan edik.
Aýstralııa chempıonatynda ıÝlııa Pýtıntseva alǵash ret tórtinshi aınalymǵa ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).