ASTANA. KAZINFORM – Ámir Omarhanov jasóspirimder arasynda Aýstralııa ashyq chempıonatynyń ekinshi aınalymyna joldama aldy.
Jasóspirimder arasynda ITF reıtıngisinde tórtinshi orynda turǵan qazaqstandyq tennısshi bastapqy kezdesýin álemniń 45-raketkasy, amerıkalyq Matıs Farzammen ótkizdi.
Eki set te tartysty ótip, Ámirdiń paıdasyna aıaqtaldy – 7:6 (7:3), 7:6 (10:8).
Match 2 saǵat 5 mınýtqa sozyldy.
Aýstralııa ashyq birinshiliginde ótken jyly shırek fınalǵa deıin jetken Ámir Omarhanovtyń kelesi qarsylasy keıin anyqtalady.
Keshe Zańǵar Nurlanuly alǵashqy oıynynda jeńiske jetip, ekinshi aınalymǵa shyqqan edi. Ol 1/16 fınalda bolgarııalyq Aleksandr Vasılevpen oınaıdy.
Eske sala keteıik, budan buryn Aýstralııa ashyq chempıonatynda Elena Rybakınanyń tórtinshi aınalymǵa shyqqanyn jazǵan bolatynbyz.
Sondaı-aq Zańǵar Nurlanuly «Úlken dýlyǵa» týrnırinde alǵashqy jeńiske qol jetkizdi.
Sandýǵash Kenjebaeva ekinshi ret Túrkııadaǵy jarystyń chempıony atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).