Australian Open: Aleksandr Nedovesov tartysty matchta ese jiberdi

<p>ORAL. KAZINFORM &ndash; Qazaqstannyń juptyq syndaǵy birinshi, álemniń 44-raketkasy Aleksandr Nedovesov Aýstralııa ashyq chempıonatynyń ekinshi aınalymyna shyǵa almady.</p>

Qazaqstandyq tennısshi ekvadorlyq Gonsalo Eskobarmen birge alǵashqy aınalymda portýgalııalyq Nýný Borges – aýstralııalyq Aleksandr Výkıchpen kezdesti.

Birinshi partııada portýgalııalyq-aýstralııalyq dýet 6:3 esebimen basym tústi.

Ekinshi sette taı-breıkte Nedovesov – Eskobar qarymta qaıyrdy – 7:6 (7:4). Biraq sheshýshi partııada N.Borges pen A.Výkıch jeńisti julyp aldy – 7:6 (10:7)

Eki saǵat 18 mınýtqa sozylǵan báseke barysynda qazaqstandyq-ekvadorlyq jup 2 eıs, 1 breıkpen (2 breık-poınt) shektelse, qarsylastary 6 eıs, 2 breıkpen (6 breık-poınt) kózge tústi.

Osylaısha, Aleksandr Nedovesov jarys jolynan shyǵyp qaldy.

Eske sala keteıik, budan buryn qazaqstandyq tennısshiniń Ispanııada negizgi jarysqa joldama alǵanyn jazǵan bolatynbyz.