Australian Open-2023: jartylaı fınalǵa shyqqan tennısshiler anyqtaldy

ASTANA. QazAqparat – Aýstralııa ashyq chempıonatynda áıelder arasynda jartylaı fınalǵa shyqqan tennısshiler tolyqtaı anyqtaldy, dep habarlaıdy QazAqparat tilshisi.

«Úlken dýlyǵa» týrnıri barysynda álemniń 1-raketkasy, Polsha ókili Iga Shventek qazaqstandyq Elena Rybakınadan jeńilip qalǵanymen, onyń otandasy, reıtıngte 45-orynda turǵan Magda Lınett sátti óner kórsetýde.

M.Lınett shırek fınalda kezinde dúnıejúzilik reıtıngte kósh bastaǵan tájirıbeli tennısshi, álemniń 31-raketkasy, chehııalyq Karolına Plıshkovany joldan taıdyrdy – 6:3, 7:5.

Búgin ekinshi shırek fınaldyq kezdesýde álemniń 5-raketkasy, Belarýs ókili Arına Sobolenko reıtıngte 64-satydaǵy horvatııalyq Donna Vekıchti tize búktirdi – 6:3, 6:2.

Sóıtip A.Sobolenko da alǵash ret Aýstralııa ashyq chempıonatynyń jartylaı fınalyna joldama aldy. Ol fınalǵa shyǵý úshin M.Lınetpen talasady. Bul básekeniń favorıti Arına ekendigi anyq.

Ekinshi jartylaı fınalda qazaqstandyq Elena Rybakına men Belarýs eliniń taǵy bir ókili, Australian Open jarysynyń eki márte jeńimpazy Vıktorııa Azarenko oınaıdy.

Eki match ta 26 qańtar kúni Astana ýaqytymen saǵat 14.30-da bastalady.

Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan edik.

Sondaı-aq Elena Rybakına qazaqstandyq tennısshilerden alǵash ret TOP-10-ǵa enýge jaqyn tur.

Elena Rybakına 669 myń dollar tabys tapty.

Elena Rybakınanyń jartylaı fınaldaǵy qarsylasy anyqtaldy.

Qazaqstandyq tennısshiler halyqaralyq týrnırlerdi jeńispen bastady.

Foto:Getty Images