Australian Open-2023: Elena Rybakınanyń jartylaı fınaldaǵy qarsylasy anyqtaldy

ASTANA. QazAqparat – Qazaqstannyń birinshi, álemniń 25-raketkasy Elena Rybakınanyń Aýstralııa ashyq chempıonaty jartylaı fınalyndaǵy qarsylasy anyqtaldy, dep habarlaıdy QazAqparat tilshisi.

Qazaqstandyq tennısshi fınalǵa shyǵý úshin reıtıngte ózinen bir saty joǵary turǵan Belarýs ókili, Aýstralııa ashyq chempıonatynyń eki dúrkin chempıony Vıktorııa Azarenkomen talasady.

V.Azarenko shırek fınalda álemniń 3-raketkasy, amerıkalyq Djessıka Pegýlany 6:4, 6:1 esebimen qapy qaldyrdy.

Osylaısha, E.Rybakına 26 qańtar kúni jartylaı fınalda ózinen 10 jasqa úlken, asa tájirıbeli tennısshi V.Azarenkomen oınaıdy. E.Rybakına men V.Azarenko osyǵan deıin ótken jyly Indıan-Ýells (AQSh) týrnırinde ózara kezdesip, onda qazaqstandyq tennısshi 6:3, 6:4 esebimen basym túsken edi.

Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan edik.

Sondaı-aq Elena Rybakına qazaqstandyq tennısshilerden alǵash ret TOP-10-ǵa enýge jaqyn tur.

Elena Rybakına 669 myń dollar tabys tapty.

Foto: ktf.kz