Australian Open-2023: Elena Rybakına 669 myń dollar tabys tapty

ASTANA. QazAqparat – Australian Open jarysynda Qazaqstannyń birinshi raketkasy Elena Rybakına qazirdiń ózinde 958 625 Aýstralııa dollary (669 myń AQSh dollary) kóleminde tabys tapty, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, qazaqstandyq tennısshi jekeleı synda jartylaı fınalǵa shyqqany úshin 925 myń Aýstralııa dollaryn ($646 000) alatyn bolady.

Sonymen qatar Elena reseılik Anastasııa Pavlıýchenkovamen birge juptyq synda 1/8 fınalǵa deıin jetti. Budan ekeýine 67 250 Aýstralııa dollary ($47 000) tıedi.

Osylaısha, qazirgi kezde Elena Rybakınanyń Australian Open týrnırindegi tapqan tabysy 958 625 Aýstralııa dollaryna jetip otyr. Teńgege shaqqanda, 309,9 mln teńge.

Bıyl Aýstralııa ashyq chempıonatynyń júlde qory 76,5 mln AQSh dollaryn quraıdy. Bul osy dodanyń rekordtyq kórsetkishi bolyp sanalady.

Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan edik.

Sondaı-aq Elena Rybakına qazaqstandyq tennısshilerden alǵash ret TOP-10-ǵa enýge jaqyn tur.

Foto – Qazaqstan tennıs federatsııasy.