Australian Open-2023: Búgin Elena Rybakına fınalǵa joldama úshin talasady

ASTANA. QazAqparat – Aýstralııa ashyq chempıonatynda búgin Qazaqstannyń birinshi, álemniń 25-raketkasy Elena Rybakına jartylaı fınalda dúnıejúzilik reıtıngte ózinen bir saty joǵary turǵan Belarýs ókili Vıktorııa Azarenkomen oınaıdy, dep habarlaıdy QazAqparat tilshisi.

V.Azarenko E.Rybakınadan baqandaı on jasqa úlken, tájirıbesi de molyraq.

2012 jáne 2013 jyldary Aýstralııa ashyq chempıonatynyń jeńimpazy bolǵan V.Azarenko kezinde álemniń 1-raketkasy atandy.

Keıingi jyldary sábıli bolýyna jáne jaraqatyna baılanysty burynǵy bıigine kóterile qoıǵan joq. Alaıda bıylǵy Aýstralııa birinshiliginde sheber oıyn órnegin kórsetip kele jatqan Vıktorııa taǵy bir chempıondyqtan úmitin úzgen joq.

Al ótken jyly Ýımbldon chempıony atanǵan 23 jastaǵy E.Rybakına naǵyz der shaǵynda. Sondyqtan mamandar aldaǵy matchta ekeýiniń de múmkindikteri teń dep baǵalap otyr.

Qarsylastar buǵan deıin ótken jyly Indıan-Ýells (AQSh) týrnırinde kezdesip, onda E.Rybakına 6:3, 6:4 esebimen utqan edi. Saǵat jarymnan astam ýaqytqa sozylǵan báseke barysynda qazaqstandyq tennısshi 5 eıs jasap, 8 breık-poınttyń ekeýin paıdalanǵan. V.Azarenko 3 eıs jasaǵanymen, birde-bir breıkke qol jetkize almaǵan edi.

Bul joly oıyn qalaı órbıdi, ony aldaǵy match kórsetedi.

Jartylaı fınaldyq báseke Astana ýaqytymen saǵat 14.30-da bastalady.

Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan bolatynbyz.

Sondaı-aq Elena Rybakınanyń jartylaı fınaldaǵy qarsylasy anyqtaldy.

Qazaqstandyq tennısshiler halyqaralyq týrnırlerdi jeńispen bastady.

Aýstralııa chempıonatynda jartylaı fınalǵa shyqqan tennısshiler anyqtaldy.