Aýrýhanalardy tehnıkalyq jaraqtandyratyn kásiporyn memleketke qaıtarylady

<p>QR Premer-Mınıstri Álıhan Smaıylov ortalyq memlekettik organdar, Bas prokýratýra, QMA, BQDA jáne basqa da vedomstvolar basshylarynyń qatysýymen Ekonomıkany demonopolızatsııalaý jónindegi komıssııanyń kezekti otyrysyn ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Medıtsınalyq uıymdardy jabdyqtarmen jáne tehnıkamen jaraqtandyrý salasynda jumys isteıtin buryn senimgerlik basqarýǵa berilgen kásiporyndy memleket menshigine qaıtarý máselesi talqylandy.

Júrgizilgen tekserý nátıjesinde qazirgi ýaqytta kompanııa maqsatty paıdalanylmaı otyrǵany, onyń qazirgi jumysy quryltaı qujattarynda jazylǵan maqsattar men mindetterge sáıkes kelmeıtini anyqtaldy.

Premer-Mınıstr kásiporyndy Densaýlyq saqtaý mınıstrliginiń qaramaǵyna qaıtarý protsesin jedeldetý qajettigin atap ótti.

Óıtkeni bul otandyq medıtsınalyq mekemelerdi jańǵyrtý protsesin jedeldetýge múmkindik beredi.

Sonymen qatar otyrysta Aqtaý qalasy men Mańǵystaý oblysynyń jylý kózderin gazben jabdyqtaý máseleleri, sondaı-aq sertıfıkattaý boıynsha qyzmet kórsetý naryǵyna monopolııaǵa qarsy tergeý júrgizý qorytyndysy qaraldy.