Aýmaqtyq ishki ister organdary janyndaǵy konsýltatıvtik-keńesshi organdar týraly úlgi ereje bekitildi
QazAqparat qujattyń mátinin taratady.
Qazaqstan Respýblıkasy Іshki ister mınıstrliginiń buıryǵy
2015 jylǵy 5 jeltoqsan №995 Astana qalasy
Aýmaqtyq ishki ister organdary janyndaǵy Konsýltatıvtik-keńesshi organdar týraly úlgi erejeni bekitý týraly
«Qazaqstan Respýblıkasynyń ishki ister organdary týraly» Qazaqstan Respýblıkasynyń 2014 jylǵy 23 sáýirdegi Zańynyń 25-baby 11-tarmaǵyna sáıkes buıyramyn:
1. Qazaqstan Respýblıkasynyń aýmaqtyq ishki ister organdary janyndaǵy Konsýltatıvtik-keńesshi organdar týraly úlgi ereje bekitilsin.
2. Qazaqstan Respýblıkasy Іshki ister mınıstrliginiń Kadr jumysy departamenti (A.Ú.Ábdiǵalıev) zańnamada belgilengen tártipte:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin «Zań» derekter bazasy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Іshki ister mınıstrliginiń ınternet-resýrsynda ornalastyrýdy; 5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasy Іshki ister mınıstriliginiń Zań departamentine osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalǵany týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý Іshki ister mınıstriniń birinshi orynbasary polıtsııa general-leıtenanty M.Ǵ.Demeýovke jáne Іshki ister mınıstrliginiń Kadr jumysy departamentine (A.Ú.Ábdiǵalıev) júktelsin.
5. Osy buıryq alǵashqy resmı jarııalanǵan kúninen bastap kúntizbelik on kún ótken soń, 2016 jyldyń 1 qańtarynan erte emes qoldanysqa engiziledi.
Mınıstr polıtsııa general-polkovnıgi Q.QASYMOV
Qazaqstan Respýblıkasy Іshki ister mınıstriniń 2015 jylǵy 5 jeltoqsandaǵy №995 buıryǵymen bekitilgen
Aýmaqtyq ishki ister organdary janyndaǵy konsýltatıvtik-keńesshi organdar týraly úlgi ereje
1. Jalpy erejeler
1. Konsýltatıvtik-keńesshi organdar Qazaqstan Respýblıkasynyń aýmaqtyq ishki ister organdary janyndaǵy keńestik organ bolyp tabylady (budan ári - konsýltatıvtik-keńesshi organdar).
2. Árbir ishki ister departamentinde usynymdyq sıpatta sheshim shyǵaratyn bir konsýltatıvtik-keńesshi organ qurylady.
3. Konsýltatıvtik-keńesshi organdar jurtshylyqtyń Qazaqstan Respýblıkasynyń aýmaqtyq ishki ister organda- rymen memlekettik saıasattyń negizgi baǵyttaryn ázirleý jáne ishki ister organdary qyzmetiniń belgilengen salasyna jatatyn máseleler Qazaqstan Respýblıkasy azamattarynyń quqyqtary men bostandyqtaryn qorǵaýdy, polıtsııa qyzmetiniń jarııalylyǵy men ashyqtyǵy prıntsıpin iske asyrý boıynsha ózara is-qımyl jasasýyn qamtamasyz etedi.
4. Konsýltatıvtik-keńesshi organy qyzmetiniń quqyqtyq negizin Qazaqstan Respýblıkasynyń Konstıtýtsııasy, halyqaralyq sharttar men Qazaqstan Respýblıkasy ratıfıkatsııalaǵan konventsııalar, Qazaqstan Respýblıkasynyń «Іshki ister organdary týraly» 2014 jylǵy 23 sáýirdegi, «Qoǵamdyq birlestikter týraly» 1996 jylǵy 31 mamyrdaǵy, «Kommertsııalyq emes uıymdar týraly» 2001 jylǵy 16 qańtardaǵy zańdary, sondaı-aq osy Aýmaqtyq ishki ister organdary janyndaǵy konsýltatıvtik-keńesshi organy týraly úlgi ereje (budan ári - Ereje) quraıdy.
2. Konsýltatıvtik-keńesshi organdardyń maqsattary men mindetteri
5. Konsýltatıvtik-keńesshi organdar qyzmetiniń maqsattary: 1) ishki ister organdaryna olardyń qyzmetiniń aıqyndylyǵyn qamtamasyz etýge yqpal etý;
2) Qazaqstan Respýblıkasy zańnamasymen belgilengen qyzmettik etıka normalaryn buzǵan ishki ister organdary qyzmetkerleriniń is-áreketine shaǵymdanǵan jeke jáne zańdy tulǵalardyń aryzdaryn qaraý bolyp tabylady.
6. Negizgi mindetteri:
1) halyqtyń memlekettiń ishki ister organdaryna senimin arttyrý, polıtsııany halyqqa jaqyndatý, úkimettik emes uıymdardyń quqyqtyq memleketti nyǵaıtýdaǵy rólin odan ári arttyrý;
2) ishki ister organdarynyń qyzmetine konsýltatıvtik, ádistemelik jáne ózge de qoldaýlar kórsetý;
3) ishki ister organdarynyń qyzmetkerlerin áleýmettik qoldaý máselelerin sheshýge yqpal etý;
4) ishki ister organdary qyzmetiniń ózekti máseleleri týraly halyqty janjaqty jáne shynaıy aqparattandyrý múddesine buqaralyq aqparat quraldarynyń ókilderin tartý;
5) ishki ister organdary qyzmetiniń aıqyndylyǵyn qamtamasyz etýge baǵyttalǵan birlesken is-sharalar baǵdarlamalary jáne olardy iske asyrý boıynsha usynystar ázirleý;
6) ishki ister organdary qyzmetterin jetildirý boıynsha usynystar daıyndaý bolyp tabylady.
3. Konsýltatıvtik-keńesshi organdardyń quqyqtary
7. Konsýltatıvtik-keńesshi organdar:
1) ishki ister organdarynyń qyzmetin jetildirý máseleleri boıynsha úkimettik emes uıymdar men memlekettik bılik organdaryna usynystarmen shyǵýǵa;
2) azamattarǵa, ortalyq jáne jergilikti atqarýshy organdarǵa ishki ister organdary qyzmetiniń aıqyndylyǵyn qamtamasyz etý bóliginde memlekettik organdar men úkimettik emes uıymdardyń yntymaqtastyǵy tetikterin jetildirý boıynsha usynystarmen ótinish bildirýge;
3) konsýltatıvtik-keńesshi organdardyń otyrysyna memlekettik organdardyń, úkimettik emes uıymdardyń jáne ózge de qoǵamdyq birlestikterdiń ókilderin shaqyrýǵa;
4) konsýltatıvtik-keńesshi organnnyń atyna kelip túsken Qazaqstan Respýblıkasy zańnamasymen belgilengen qyzmettik etıka normalaryn buzǵan ishki ister organdary qyzmetkerleriniń is-áreketine shaǵymdanǵan jeke jáne zańdy tulǵalardyń aryzdaryn qaraýǵa quqyǵy bar.
4. Konsýltatıvtik-keńesshi organdardyń qyzmetin uıymdastyrý
8. Konsýltatıvtik-keńesshi organ aýmaqtyq ishki ister organdary men azamattyq qoǵam qatarynan quralady. Bul rette aýmaqtyq ishki ister organdary ókilderiniń sany jalpy sanynyń úshten bir bóliginen aspaýy kerek.
9. Konsýltatıvtik-keńesshi organ quramyna azamattyq qoǵamnan Qazaqstan Respýblıkasynyń otyz jasqa tolǵan, joǵary bilimi jáne Qazaqstan Respýblıkasy azamattyǵy bar tıisti ákimshilik aýmaqtyq birlik sheginde turyp jatqan, sottylyǵy joq, densaýlyq saqtaý uıymdarynda psıhıkalyq aýrý, alkogolızm, nashaqorlyq jáne ýytqumarlyq boıynsha esepte turmaǵan azamaty kiredi.
10. Іshki ister organynyń kadr jumysy jónindegi bólinisi konsýltatıvtik-keńesshi organynyń jumys organy bolyp tabylady.
11. Konsýltatıvtik-keńesshi organnyń birinshi quramy azamattyq qoǵam jáne ishki ister departamentteri basshy- lary usynǵan kandıdattar qatarynan jumys organy bolyp quralady.
12. Jumys organy jergilikti buqaralyq aqparat quraldarynda nemese ınternet resýrstarynda osy Qaǵıdalardyń 9-tarmaǵyna sáıkes qujattar jáne basqa málimetter joldanatyn poshta mekenjaıyn, qujattardy tapsyrý merzimin, elektrondyq poshta mekenjaıyn kórsete otyryp, konsýltatıvtik-keńesshi organnyń qurylǵany týraly habarlama jarııalaıdy,
13. Konsýltatıvtik-keńesshi organnyń quramy toǵyz adamnan aspaıdy, ishki ister departamentiniń basshylary bekitedi.
14. Konsýltatıvtik-keńesshi organnyń tóraǵasy (budan ári-tóraǵa) birinshi otyrysta ashyq daýys berýmen onyń músheleri arasynan saılanady.
15. Tóraǵa laýazymyna úmitkerlerdi konsýltatıvtik-keńesshi organ músheleri jyljytady.
16. Tóraǵa laýazymyna saılaýǵa usynylǵan konsýltatıvtik-keńesshi organnyń músheleri óz erkimen bas tartýǵa ótinish bildirýge quqyǵy bar. Ótinish talqylaýsyz jáne daýys berýsiz qabyldanady. 17. Eger oǵan otyrysqa qatysqan múshelerdiń jalpy sanynyń jartysynan kóbi daýys bergen bolsa, konsýltatıvtik-keńesshi organnyń tóraǵasy saılanǵan bolyp esepteledi.
18. Konsýltatıvtik-keńesshi organnyń tóraǵasyn saılaý týraly sheshim hattamamen resimdeledi.
19. Konsýltatıvtik-keńesshi organ tóraǵasyn merziminen buryn bosatý týraly másele konsýltatıvtik-keńesshi organ nemese onyń jeke ótinishi boıynsha nemese konsýltatıvtik-keńesshi organ músheleriniń usynystary boıynsha qaralady. Eger daýys berýge qatysqan konsýltatıvtik-keńesshi organ músheleriniń jalpy sanynyń jartysynan kóbi daýys bergen bolsa, tóraǵa laýazymynan bosatý týraly sheshim qabyldanady.
20. Tóraǵa:
1) konsýltatıvtik-keńesshi organdy basqarady, konsýltatıvtik-keńesshi organnyń qyzmetin uıymdastyrýdy júzege asyrady jáne ishki kún tártibin baqylaıdy;
2) konsýltatıvtik-keńesshi organnyń ishki ister organdarymen, memlekettik organdarmen, jergilikti ózin-ózi basqarý organdarymen, qoǵamdyq birlestikterimen, buqaralyq aqparat quraldarymen jáne azamattarmen ózara is-qımyl jasasýyn uıymdastyrady jáne úılestiredi.
3) konsýltatıvtik-keńesshi organnyń otyrystary kún tártibiniń jobasyn qurastyrady jáne onyń múshelerine joldaıdy.
4) konsýltatıvtik-keńesshi organnyń qabyldaǵan sheshimderge jáne ózge de qujattarǵa, sondaı-aq onyń ókilettigin iske asyrý maqsatynda suraý salýlarǵa, ótinishterge, shaqyrýlarǵa jáne basqa da qujattarǵa qol qoıady;
5) onyń quzyretine jatatyn máseleler boıynsha konsýltatıvtik-keńesshi organnyń múshelerine tapsyrma- lar beredi.
21.Tóraǵa bolmaǵan jaǵdaıda onyń mindetterin konsýltatıvtik-keńesshi organnyń músheleriniń biri atqarady.
22. Konsýltatıvtik-keńesshi organnyń músheleri óz ókilettikterin oryndaý kezinde:
1) sheshimderdi talqylaý jáne qabyldaý kezinde teń quqyqtarǵa ıe bolady;
2) óziniń qyzmetin óteýsiz, qoǵamdyq bastama boıynsha júzege asyrady.
23. Konsýltatıvtik-keńesshi organnyń músheleri:
1) konsýltatıvtik-keńesshi organ qyzmetiniń kez kelgen máseleleri boıynsha óz pikirin erkin jetkizýge, otyry- starda jarys sózderge qatysýǵa, talqylanatyn máselelerdiń máni boıynsha jáne kún tártibi boıynsha usynystar, eskertýler men túzetýler engizýge;
2) kandıdatýralar usynýǵa jáne konsýltatıvtik-keńesshi organ saılaıtyn, taǵaıyndaıtyn nemese bekitetin kandıdatýralar boıynsha óz pikirin aıtýǵa;
3) konsýltatıvtik-keńesshi organnyń otyrystaryna materıaldardy, sondaı-aq onyń sheshimderiniń jobalaryn ázirleýge, konsýltatıvtik-keńesshi organnyń sheshimderin iske asyrýǵa qatysýǵa;
4) konsýltatıvtik-keńesshi organnyń saılanbaly laýazymdaryna saılaýǵa jáne saılanýǵa;
5) otyrystardyń stenogrammalarymen, hattamalarymen jáne materıaldarymen tanysýǵa;
6) konsýltatıvtik-keńesshi organnyń sheshimderimen kelispegen jaǵdaıda erekshe pikirdi jazbasha túrde baıandaýǵa quqyǵy bar, ol tıisinshe otyrys hattamasyna engiziledi.
24. Konsýltatıvtik-keńesshi organdarynyń músheleri:
1) otyrystar jumysyna jáne konsýltatıvtik-keńesshi organ ótkizetin ózge de is-sharalarǵa jeke qatysýǵa;
2) konsýltatıvtik-keńesshi organnyń otyrystaryna belgili bir sebepter boıynsha qatysýǵa múmkindik bolmaǵan jaǵdaıda, bastalǵanǵa deıin bir táýlikten keshiktirilmeı tıisinshe konsýltatıvtik-keńesshi organnyń tóraǵasyna nemese onyń jumys organyna jazbasha túrde habarlaýǵa. Qaralyp jatqan másele boıynsha daýys berý kezinde onyń pikiri jalpy negizderde eskeriledi;
3) konsýltatıvtik-keńesshi organnyń, onyń ishinde tóraǵa bergen tapsyrmalardy oryndaýǵa;
4) konsýltatıvtik-keńesshi organnyń jumysynda tártip pen etıka talaptaryn saqtaýǵa mindetti.
25. Konsýltatıvtik-keńesshi organnyń músheleri óz qyzmetin saıası partııalardyń, kommertsııalyq jáne kommertsııalyq emes uıymdardyń múddelerine, sondaı-aq jeke múddelerine paıdalanýǵa quqyǵy joq.
5. Konsýltatıvtik-keńesshi organdaryń otyrystaryn josparlaý jáne ótkizý
26. Konsýltatıvtik-keńesshi organnyń otyrystary bir jylda keminde eki ret ótkiziledi.
27. Konsýltatıvtik-keńesshi organnyń jyldyq jumys jospary onyń músheleriniń, jumys organynyń usynystary boıynsha qurastyrylady jáne Іshki ister departamentiniń basshylarymen kelisiledi.
28. Konsýltatıvtik-keńesshi organnyń jumys josparyna otyrystardyń kún tártipteri, sondaı-aq basqa is- sharalar kiredi.
29. Jumys josparyna ózgerister engizý týraly usynystardy jazbasha nysanda konsýltatıvtik-keńesshi organnyń tóraǵasy usynady. 30. Konsýltatıvtik-keńesshi organnyń kezekten tys otyrysy tóraǵanyń sheshimi boıynsha, Іshki ister departamenti basshylarynyń usynysy boıynsha nemese konsýltatıvtik-keńesshi organ músheleriniń jalpy sanynyń keminde úshten biriniń bastamasy boıynsha ótkizilýi múmkin.
31. Konsýltatıvtik-keńesshi organnyń kezekten tys otyrysynyń bastamashylary talqylaý úshin máselelerdiń tizimin jáne olar boıynsha sheshimderdiń jobalaryn jazbasha túrde tóraǵanyń qaraýyna engizedi.
32. Tóraǵa Іshki ister departamenti basshylarynyń kelisimi boıynsha kezekten tys otyrystyń jumys tártibin anyqtaıdy jáne onyń kúnin taǵaıyndaıdy.
33. Otyrystardyń kúni men kún tártibi jáne onda qaralatyn máseleler týraly konsýltatıvtik-keńesshi organnyń múshelerine jumys organy ony ótkizerden 7 kún buryn habarlaıdy.
34. Eger onyń jumysyna onyń músheleriniń jalpy sanynyń jartysynan kóbi qatyssa, konsýltatıvtik-keńesshi organnyń otyrystary zańdy bolady. 35. Konsýltatıvtik-keńesshi organ músheleriniń usynystary boıynsha otyrystyń kún tártibi tolyqtyrylýy nemese ózgertilýi múmkin.
36. Konsýltatıvtik-keńesshi organnyń sheshimi boıynsha otyrysqa memlekettik bılik organdarynyń, qoǵamdyq birlestikterdiń, ǵylymı mekemelerdiń ókilderi, qaralatyn máseleler boıynsha qajetti málimetter men qorytyndylardy usyný sarapshylar jáne basqa da mamandar úshin shaqyrylýy múmkin. Buqaralyq aqparat quraldarynyń ókilderi otyrystarda konsýltatıvtik-keńesshi organnyń shaqyrýy boıynsha qatysýy múmkin.
37. Іshki ister departamentiniń basshysy jáne onyń orynbasarlary konsýltatıvtik-keńesshi organnyń kez kel- gen otyrystaryna qatysýǵa quqyly.
38. Konsýltatıvtik-keńesshi organnyń sheshimderi otyrysqa qatysqan músheleriniń kópshilik daýys berýi boı- ynsha qabyldanady. Eger daýystar teń bolǵan jaǵdaıda, onda sońǵy sheshim Tóraǵalyq etýshige qalady.
39. Konsýltatıvtik-keńesshi organnyń sheshimderi onyń otyrystarynda jasyryn nemese ashyq daýys berý arqyly qabyldanady. 40. Konsýltatıvtik-keńesshi organnyń otyrysy kezinde odan ári stenogrammalar men hattamalar resimdele otyryp, aýdıojazba júrgizilýi múmkin.
41. Hattamaǵa tóraǵa jáne ІІD basshysy qol qoıady. Tóraǵasy otyrysta bolmaǵan jaǵdaıda, hattamaǵa otyrysqa tóraǵalyq etýshi qol qoıady.
42. Konsýltatıvtik-keńesshi organ otyrystarynyń materıaldary vedomstvolyq aqparat Internet jelilerinde jarııalaýy múmkin.
43. Konsýltatıvtik-keńesshi organ otyrysynyń kún tártibi máselelerdi qaraý nátıjeleri boıynsha usynystar men ótinishter túrinde qabyldanýy múmkin.
44. Konsýltatıvtik-keńesshi organnyń sheshimderi tóraǵa qol qoıatyn hattamalardan úzindi kóshirmeler túrinde (quzyretteri boıynsha) qaraý úshin joldanady.
45. Konsýltatıvtik-keńesshi organ otyrystarynyń resimdelgen hattamalary (túpnusqasy), sondaı-aq ilespe materıaldar jumys organynda saqtalady.
6. Konsýltatıvtik-keńesshi organ músheleriniń ókilettikterin qysqartý jáne toqtatý tártibi
46. Konsýltatıvtik-keńesshi organ músheleriniń ókilettigi osy úlgi Erejede kózdelgen tártipte:
1) ol konsýltatıvtik-keńesshi organnyń quramynan shyǵý týraly ótinish bergen;
2) qaıtys bolǵan, ol áreketke qabiletsiz nemese zańdy kúshine engen sot sheshimi negizinde habar-osharsyz ketken dep tanylǵan;
3) konsýltatıvtik-keńesshi organy músheleriniń kópshilik daýysymen qabyldanǵan sheshimi boıynsha;
4) Qazaqstan Respýblıkasynyń azamattyǵyn toqtatqan jaǵdaılarda qysqartylady.
47. Ókilettikti qysqartý nemese toqtatý týraly másele konsýltatıvtik-keńesshi organ tóraǵasynyń usynysy boıynsha nemese konsýltatıvtik-keńesshi organ músheleriniń jeke ótinishteri boıynsha konsýltatıvtik-keńesshi organ qaraıdy.
48. Konsýltatıvtik-keńesshi organnyń tóraǵasynyń usynymhatyn nemese ótinishin jaqyn arada bolatyn otyrysta konsýltatıvtik-keńesshi organ qaraıdy.
49. Múshelerdiń ókilettikterin qysqartý nemese toqtatý týraly másele, oǵan qatysty usynys engizilgen músheniń qatysýymen konsýltatıvtik-keńesshi organnyń otyrysynda qaralady. Oǵan qatysty usynys engizilgen músheniń dálelsiz sebeptermen otyrysqa qatyspaýy osy máseleni konsýltatıvtik-keńesshi organnyń qaraýy úshin kedergi bolyp tabylmaıdy.
50. Eger músheleriniń kópshilik daýsymen tıisti sheshim qabyldanatyn bolsa, ókilettigin qysqartý nemese toqtatý týraly sheshim konsýltatıvtik-keńesshi organnyń qalaýy boıynsha ashyq (jasyryn) daýys berýmen qabyldanady jáne hattamamen rásimdeledi.
51. Konsýltatıvtik-keńesshi organ músheleriniń ókilettigin toqtatqan jaǵdaıda, tóraǵa konsýltatıvtik-keńesshi organnyń jańa múshesiniń kandıdatýrasyn bekitý týraly sheshim qabyldaýǵa ótinishpen Іshki ister departamentiniń basshysyna júginedi.
7. Konsýltatıvtik-keńesshi organdardyń jańa múshelerin bekitý tártibi
52. Jańa músheniń kandıdatýrasy konsýltatıvtik-keńesshi organy músheleriniń, qoǵamdyq birlestikterdiń jáne basqa da uıymdardyń, ІІD basshylyǵynyń usynystary boıynsha otyrystarda qaralady.
53. Jańa músheniń kandıdatýrasyn engizý týraly sheshim, eger oǵan otyrysqa qatysqan múshelerdiń jartysynan kóbi daýys berse, qabyldanǵan dep sanalady. Saılanǵan múshesin ishki ister departamentiniń basshysy bekitedi.
8. Konsýltatıvtik-keńesshi organnyń jumys nysandary jáne sheshimderi
54. Konsýltatıvtik-keńesshi organnyń negizgi jumys nysany otyrystar bolyp tabylady.
55. Oǵan júktelgen fýnktsııalardy iske asyrý maqsatynda konsýltatıvtik-keńesshi organ:
1) ishki ister departamentteri qyzmetterinde qoǵamdyq mańyzy bar máseleler boıynsha tyńdaýlar, konferen- tsııalar, semınarlar, dóńgelek ústelder, ózge de talqylaýlar men tyńdaýlar ótkizýge;
2) konsýltatıvtik-keńesshi organnyń otyrystaryna ishki ister organdarynyń jáne bólinisteriniń basshyla- ryn shaqyrýǵa;
3) memlekettik bılik organdaryna, qoǵamdyq uıymdarǵa jáne birlestikterge suraý salýlaryn jiberýge;
4) ishki ister departamentteriniń basqa da konsýltatıvtik-keńesshi organdarymen ózara is-qımyl jasasýdy júzege asyrýǵa;
5) buqaralyq aqparat quraldary arqyly óz qyzmetiniń nátıjeleri týraly jurtshylyqty aqparattandyrýǵa;
6) konsýltatıvtik-keńesshi organnyń maqsattary men mindetterin iske asyrý úshin Qazaqstan Respýblıkasynyń zańnamasyna jáne osy Erejege qaıshy kelmeıtin ózge da ókiletterdi júzege asyrýǵa quqyǵy bar.
56. Konsýltatıvtik - keńesshi organ jyl saıyn 25 jeltoqsanynan keshiktirmeı ishki ister departamentiniń basshysy atyna óz qyzmetiniń qorytyndylary, ishki ister organdaryndaǵy tártip pen quqyqtyq tártipti kúsheıtý, olardyń bedelin arttyrý, adam men azamattyń quqyqtary men bostandyqtaryn qorǵaý máseleleri boıynsha jurtshylyqpen ózara is-qımyl jasasýynyń jaı-kúıi týraly baıandama usynady.
Buıryq Qazaqstan Respýblıkasynyń Ádilet mınıstrliginde 2015 jylǵy 28 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12553 bolyp engizildi.