Aýktsıon arqyly kólik almaq bolǵan óskemendik áıel alaıaqqa 1,3 mln teńge bergen
ShQO polıtsııa departamenti baspasóz qyzmetiniń málimetine súıensek, tártip saqshylaryna 39 jastaǵy áıel adam júgindi. Óz sózinde ol tanysynyń 2013 jyly shyǵarylǵan «Hyundai Accent» markaly avtokólikti aýktsıon arqyly satyp alýǵa kómektesemin dep, 1 325 000 teńge alǵanyn jetkizdi.
«Alaıda arada biraz ýaqyt ótkende kólikti de almaı, aqshasy da qaıtpaǵan. Jedel-izdestirý sharalaryn júrgizgen polıtsııa qyzmetkerleri kúdiktini ustady. Ol buryn sottalǵan 46 jastaǵy qala turǵyny bolyp shyqty. Er adam jaýap alý kezinde óz kinásin moıyndaǵan», - delingen aqparatta.
Qazirgi ýaqytta atalǵan fakti boıynsha QR QK-niń 190-baby 1-bóligine «Alaıaqtyq» sáıkes sotqa deıingi tergeý amaldary júrgizilýde. Kúdikti eki jylǵa deıingi merzimge bas bostandyǵynan aıyrylýy múmkin.