Aýyr qylmys jasaǵandardy merziminen buryn bosatý: ókilettik alqabıler sotyna berilmek

<p>ASTANA. KAZINFORM &ndash; 2025 jyldan bastap aýyr qylmys jasaǵany úshin sottalǵandardy merziminen buryn bosatý týraly aryzdy alqabıler soty qaraıtyn bolady. Bul týraly QR Joǵarǵy sotynyń tóraǵasy Aslambek Merǵalıev aıtty.&nbsp;</p>

«Sot júıesin demokratııalandyrý jáne sot tóreligin júzege asyrýǵa azamattyq qatysýdy keńeıtý maqsatynda Memleket basshysynyń tapsyrmasy boıynsha alqabılerdiń qaraýyna jatatyn isterdiń sanattary kezeń-kezeńimen keńeıtilýde (2022 jylǵa deıin — 14, 2023 jyly — 31, 2024 jyly — 44 quram). Nátıjesinde alqabılerdiń qatysýymen qaralǵan isterdiń sany aıtarlyqtaı ósti: eger 2021 jyly (8-shi forým ótkizilgen kezde) olardyń sany 59 bolsa, 2024 jyldyń 9 aıynda bul kórsetkish eki júzge jýyqtady (196)», — dedi QR Joǵarǵy sot tóraǵasy Ortalyq Azııadaǵy qylmystyq sot tóreligi boıynsha sarapshylardyń 9-forýmynda.

Sondaı-aq, ol aýyr qylmystar úshin sottalǵandardy merziminen buryn bosatý týraly aryzdy endigi jerde alqabıler soty qaraıtynyn atap ótti. 

«Aýyr jáne asa aýyr qylmystar úshin sottalǵandardy shartty túrde merziminen buryn bosatý jáne jazany aýystyrý týraly aryzdardy qaraýdy alqabıler sotynyń mandatyna engizýdi de josparlap otyrmyz. Tıisti pılottyq joba 2025 jyly iske qosylady», — dedi Aslambek Merǵalıev.

Aıta keteıik, buǵan deıin Ortalyq Azııadaǵy qylmystyq sot tóreligi boıynsha sarapshylardyń 9-forýmy ótip jatqanyn jazǵan edik. Shara eki kúnge sozylady.

Onda 200 sarapshy Ortalyq Azııada qylmystyq sot tóreligi júıesin damytý máselesin talqylap jatyr.