ASTANA. KAZINFORM - Qazaqstandyq Ksenııa Prozorova (59 keli) aýyr atletıkadan jasóspirimder arasyndaǵy álem chempıony atandy.
Perý astanasy Lıma qalasynda ótip jatqan dúbirli dodada ol qossaıystyń qorytyndysymen 199 (91 108) kelini baǵyndyrdy. Ekinshi oryndaǵy ózbekstandyq Marjon Abdýmýtalova 190 (88 102) kelini enshilese, reseılik Polına Pavlovıch 189 (85 104) upaı aldy.
Sondaı-aq el quramasynan Ernur Myrzahmetov (73 keli), Erasyl Sáýlebekov (81 keli) qola aldy.
Eske salsaq, budan buryn álem chempıonatynda qazaqstandyq Beıbarys Erseıit (61 keli) chempıon atandy.
Aıta ketsek, budan buryn Qatardyń Doha qalasynda ótken aýyr atletıkadan ótken jasóspirimder men jastar arasyndaǵy Azııa chempıonatynda qazaqstandyq sportshylar júldeli oraldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.