Aýyr atletıkadan gran-prı: Jastar arasyndaǵy álem chempıony Aqmolda Saıramkez tórtinshi bolyp qaldy

<p>Katar astanasy Dohada aýyr atletıkadan Gran-prı týrnıri ótip jatyr. Oǵan Qazaqstan quramasy da qatysýda. Kazinform agenttigi bul týraly Olympic.kz portalyna silteme jasap habarlaıdy.</p>

Jastar arasyndaǵy álem chempıony Aqmolda Saıramkez jarysty tórtinshi orynmen aıaqtady.

67 kelige deıingi salmaqtaǵy altyn medaldi Soltústik Koreıa sportshysy ıelense, kúmisti Bolgarııa, qolany Túrkmenstan atleti enshiledi.

Qazaqtandyq zilterimshi barlyq alty múmkindigin de sátti oryndady. Qossaıys qorytyndysy boıynsha Aqmolda 294 kelini baǵyndyrǵan.

Týrnırge Rıo Olımpıadasynyń júldegeri Denıs Ýlanov ta qatysady.