Aýyr atletıka: Ernaz Alpysov mansabyndaǵy úzdik nátıjeni kórsetti

<p>ASTANA. KAZINFORM &ndash; Taılandtyń Phýket qalasynda ótip jatqan aýyr atletıkadan lıtsenzııalyq álem kýbogynda Ulttyq qurama sapynan synǵa túsken Ernaz Alpysov (55 kg) karerasyndaǵy úzdik nátıjeni kórsetti.</p>

Sportty damytý dırektsııasynyń baspasóz qyzmeti málim etkendeı, julqa kóterýde bir múmkindigin, al serpe kóterýde 2 múmkindigin sátti paıdalana almaǵan Ernaz 237 kg nátıjemen (julqa – 107 kg, serpe – 130 kg) A tobynda 6-satydan kórindi.

Munda Soltústik Koreıa sportshysy Ýn Chol Pang (118+152) chempıon atandy. Kúmis Taıland ókili Nattavat Chomchýenniń (119+150), qola vetnamdyq Thana Laıdyń (120+148) enshisine buıyrdy.

«Byltyrǵy álem chempıonatynda Ernaz jalpy esepte 233 kg eńsergen. Osy jarysta sol kórsetkishti jaqsarta aldy. Budan joǵary orynnan kórinýge qaýqarly edi. Alaıda salmaq qýý óz áserin tıgizgendeı. Kelesi olımpıadalyq aınalymda ol Olımpıada baǵdarlamasyna kiretin 61 kg deıingi salmaqta óner kórsetedi», - dedi erler Ulttyq quramasynyń bas bapkeri Dáýren Bekmuhanbetov.

Sonymen qatar búgin áıelder arasynda 49 kg deıingi salmaqtaǵy barlyq jarys aıaqtaldy. Ulttyq qurama sportshysy Aınur Ábdihalyqova bir kún buryn synǵa túsip qoıǵan.

Áıelder quramasynyń bapkeri Ivan Snegýrovtyń aıtýynsha, Parıj oıyndarynyń joldamasyn alýǵa áli múmkindik bar.

«Aınur jaqsy óner kórsetti. Barlyq 6 múmkindigin sátti oryndap, ázirge karerasyndaǵy úzdik nátıjeni tirkedi (qos saıysta 160 kg). Jalpy esepte 12-13-satyda kele jatyr. ıAǵnı, Olımpıada lıtsenzııasyna ıe bolatyn múmkindigi bar. Bári upaılar eseptelip, sońǵy reıtıng shyqqanda belgili bolady», - dedi Ivan Snegýrov.

Erteń, 2 sáýirde Álem Kýbogynda Darıa Balabaıýk (59 kg) júldege talasady.

Aıta ketsek, atalǵan birinshiliktiń alǵashqy kúni Aınur Ábdihalyqova baq synaǵan bolatyn. Ol 49 kg deıingi salmaqta S tobynda 5-satydan kórindi. Ol julqa kóterýde 72 kg, serpe kóterýde 88 kg ziltemirdi yrqyna kóndirip, 160 kg nátıjemen shekteldi.