Aýyr atlet Aısamal Sansyzbaeva álem chempıonatynyń kúmis júldegeri atandy

<p>Gvadalahara qalasynda (Meksıka) ótken aýyr atletıkadan jasóspirimder arasyndaǵy álem chempıonatynda Aısamal Sansyzbaeva kúmis júldeger atandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Sportty damytý dırektsııasynan málim etkendeı, Aısamal Sansyzbaeva 87 keliden joǵary salmaqta óner kórsetip, qossaıys qorytyndysy boıynsha 250 kelini baǵyndyrdy.

Qazaqstandyq ziltemirshi julqa kóterýden 107 kelini eńserip, kishi kúmis medaldi jeńip aldy. Al serpe kóterýden 143 keli nátıjemen kishi altyn júldege ıe boldy.

Taǵy bir otandasymyz Egor Sherer 89 kelige deıingi salmaqta qossaıys boıynsha 334 (153+181) keli kórsetkishpen 7-orynnan kórindi.

Osylaısha, Qazaqstan jasóspirimder quramasy Meksıkadaǵy álem chempıonatyn 1 altyn, 1 kúmis medalmen aıaqtap otyr.

Buǵan deıin Edige Emberdi altynnan alqa taǵyp, el baıraǵyn bıikke kótergen bolatyn.

44 elden 229 qatysýshy jınalǵan jahandyq dodada el namysyn bes sportshy qorǵady.

Eske sala keteıik, budan buryn Edige Emberdiniń aýyr atletıkadan jastar arasynda álem chempıony atanǵanyn jazǵan bolatynbyz.