Aýyldardaǵy 1,5 mln adamdy medıtsınalyq saqtandyrý bıýdjet esebinen bolady

<p>Qazir medıtsınalyq qyzmetke júginýge májbúr 3 mln-nan astam adam saqtandyrý júıesinen tys qalǵan. Bul týraly Parlament Májilisinde ótip jatqan Úkimet saǵatynda depýtat Erlan Saırov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Elimizde 3,3 mln adam medıtsınalyq saqtandyrýdan tys qalǵan. Bul adamdardyń basym kópshiligi aýyldarda turady. Osy adamdar skrınıng, medıtsınalyq tekserýmen qamtylmaı otyr. ıAǵnı jyl saıyn elimizde áleýmettik ádiletsizdik asyp bara jatyr», - dedi E. Saırov.

Óz kezeginde Densaýlyq saqtaý mınıstri Ajar Ǵınııat tıisti zań 5 jyl buryn engizilgen kezde, ár azamat mindetti áleýmettik júıege kirýi tıis ekenin aıtty.

«Qazir 3 mln-nan astam adam osy júıege kirmeı otyr. Otbasylyq tsıfrlyq karta boıynsha júıege kimder enbegenin qarap, taldaý jasadyq. Bul turǵyda osy adamdardyń arasynda 800 myńynyń jaǵdaıy jaqsy ekeni kórinip tur. ıAǵnı tsıfrlyq karta arqyly baspanasy, turaqty tabysy bar osy adamdar júıege kirmeı otyr. Bul rette, 2025 jyldan bastap ár azamat mindetti salyqtyq deklaratsııasyn tapsyrǵan kezde, olardy tartýǵa bolady», - dedi mınıstr.

Budan bólek ol 1,5 mln adamnyń tabysy tym az ekenin jáne olardyń basym bóligi aýyldarda turatynyn aıtty.

«Osy adamdardy saqtandyrý bıýdjet esebinen bolsyn degen usynys engizdik. Bul taqyrypty Parlamentte, Úkimette, sondaı-aq basqa da memlekettik organdarda talqylaımyz. Aldyn ala esep boıynsha osy adamdardy qamtý úshin 80 mlrd teńge qajet bolady», - dedi vedomstvo basshysy.