Aýyldarda salynatyn medıtsınalyq nysandardy DSM mamandary aralap tekseredi

<p>ASTANA. KAZINFORM &ndash; Úkimet otyrysynda Premer-mınıstr Oljas Bektenov Densaýlyq saqtaý mınıstrliginiń mamandaryna aýyldarda salynyp jatqan medıtsınalyq nysandardy arnaıy aralap tekserýdi tapsyrdy.</p>

«Kópsalaly ortalyq aýdandyq aýrýhanalardy kúrdeli jóndeý jáne rekonstrýktsııalaý jumystaryn da jandandyrý qajet. Sondaı-aq qajetti medıtsınalyq jabdyqtardyń kólemin de aıqyndap alý kerek», - degen Premer-mınıstr óńirlerde boı kóterip jatqan medıtsınalyq nysandardyń ýaqtyly qoldanysqa berilip, sapaly salynýyna birinshi kezekte Densaýlyq saqtaý mınıstrligi jaýapty ekenin eske saldy.

«Densaýlyq saqtaý, Qarjy mınıstrlikteri men ákimdikter qalǵan jobalardy qarjylandyrý máselesin sheshý boıynsha shuǵyl sharalar qabyldasyn. Densaýlyq saqtaý mınıstrligi turaqty negizde obektilerdi aralaı otyryp, qurylys jumystary aıaqtalǵansha monıtorıng júrgizsin», - dedi Oljas Bektenov.