Aýyldaǵy sharýalar tehnıkasynyń 80% tozǵan – Májilis depýtaty

<p>ASTANA. KAZINFORM &ndash; Májilis depýtaty Naýryz Saılaýbaı aýyldaǵy sharýalardyń tehnıkalyq bazalyq jaǵdaıyn qozǵap, onyń qymbattaý sebepterin túsindirdi.</p>

«Kóktem shyqqaly aýyldaǵy sharýalar tehnıkasyn túgendep, qarbalas tirlikke kirisip jatyr. Sol tehnıkanyń 80% tozǵan. Ózimizde shyǵarylatyn aýyl sharýashylyǵy tehnıkalarynyń baǵasy qymbat, al shetelden aýyr tehnıka alyp keletinderge qoıylatyn talap bólek áńgime. Sóıtip, bıdaı men etin muhıt asyryp, shetelge eksporttaımyn degen qazaqtyń armany sol kúıde qalatyn sııaqty», - dedi Naýryz Saılaýbaı depýtattyq saýal joldap. 

Sondaı-aq, halyq qalaýlysy aýyl sharýashylyǵy tehnıkasynyń qymbattaý sebepterin túsindirdi. 

«Belarýs-80.1» traktory 2019 jyly 5,9 mln teńge tursa, 2022 jyly ol 85% ósip 11 mln teńgege ósip, 8,7 mln teńgege jetti. Alys elderden ákelinetin Djon Dır S 760 kombaıny 171 mln teńge tursa, sońǵy 3 jyldyń ishinde kombaın 272 mln teńgege qymbattaǵan. Endi qymbat baǵanyń burynǵy ornyna qaıta kelýi ekitalaı», - deıdi ol. 

Odan bólek, depýtat aýyl sharýashylyǵy tehnıkalarynyń qymbattaýyna ýtıl alymdar men alǵashqy tirkeý salyǵy da salmaq túsirip turǵanyn aıtty. 

«Alym, salyqtar joǵaryda aıtylǵan aýyr tehnıkalardyń qymbattaýyna tikeleı sebep. Qarjylyq monıtorıng agenttiginiń aqparaty boıynsha osy alymdardy aınalyp ótý úshin, 413 júk kóligin zańsyz tirkegen azamattar memleketke 3 mlrd 156 mln teńge shyǵyn ákelgen. Bul tek ustalǵandary ǵana, al ustalmaǵandary qanshama. Bul máseleni Parlamenttiń qos palatasy birneshe jyl boldy kóterip keledi. Qazir tasqyn sýmen kúresýge jańa zamanaýı tehnıkalardyń aýadaı qajet. Osy alymdardyń elge tıimsiz ekenin taǵy qalaı dáleldeý kerek?», - dedi N. Saılaýbaı.