Aýylda qyzmetkerlerine arnap úı salǵan jumys berýshiler 5 mln teńgege deıin sýbsıdııa alady

<p>Ereje 2024 jyldyń 15 qańtarynan bastap kúshine enedi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Memleket basshysynyń aýyldyq jerde óz jumyskerlerine baspana salýǵa jumys berýshilerdiń shyǵynyn óteý týraly tapsyrmasyn oryndaý maqsatynda Ónerkásip jáne qurylys mınıstrligi sýbsıdııanyń tıisti qaǵıdasyn ázirlep, bekitti.

Bekitilgen erejege sáıkes aýylda, kentte nemese aýyldyq okrýgte jalǵa beriletin turǵyn úı salǵan jumys berýshiler 5 mıllıon teńgege deıingi mólsherde memlekettik sýbsıdııa ala alady.

Bul 75-ten 100 sharshy metrge deıingi turǵyn úı qurylysynyń shyǵynyn jabady.

Sýbsıdııa alý úshin jumys berýshiler qyzmetkermen 5 jylǵa eńbek shartyn jasasýy, sondaı-aq paıdalanýǵa berilgen turǵyn úıge aýyrtpalyqtardyń bolmaýyn qamtamasyz etýi qajet.

Bul rette aýmaǵynda jumys berýshiler turǵyn úı salýdy josparlaıtyn aýyldardyń, kentterdiń, aýyldyq okrýgterdiń tizimderin jergilikti atqarýshy organdar aıqyndaıdy jáne bekitedi.

Aýdan ortalyqtarynyń jáne oblys ortalyqtary, mono jáne shaǵyn qalalary bar nemese aglomeratsııalardyń, fýnktsıonaldyq qalalyq aýdandardyń quramyna kiretin 30 kılometrge deıingi jaqyn ornalasqan aýyldyq okrýgterdiń tizimderine, aýyldaryna, kentterine, aýyldyq okrýgterine engizýge jatpaıdy.

Bekitilgen ereje 15 qańtardan bastap, alǵashqy resmı jarııalanǵan kúninen bastap kúntizbelik on kúnnen keıin kúshine enedi.

Erejemen myna siltemede tanysýǵa bolady.