Aýyl turǵyndaryna arnalǵan jańa turǵyn úı baǵdarlamasy mamyrda bastalady

<p>ASTANA. KAZINFORM &ndash; Aýyl turǵyndaryna arnalǵan jańa turǵyn úı baǵdarlamasy mamyrda iske qosylady. Bul týraly Ónerkásip jáne qurylys mınıstri Qanat Sharlapaev aıtty.</p>

«Qazirgi ýaqytta bul baǵdarlamaǵa «Otbasy» banki 300 mlrd teńge tartyp jatyr. Bul - baǵdarlamanyń jalpy mólsheri. Halyqtyń áleýmettik jaǵynan az qamtylǵan sanaty úshin mólsherleme 7 paıyzdan aspaıdy», - dedi Qanat Sharlapaev Úkimet otyrysynan keıingi brıfıngide.

Onyń atap ótýinshe, aldaǵy mamyr aıynda baǵdarlamanyń barlyq sharty jarııa etiledi.

«1 mamyrda baǵdarlamanyń barlyq shartyn tolyqtaı jarııa etemiz. Ol 1 mamyrdan bastalady. Qazirgi ýaqytta oǵan naryqtan qarajat tartyp jatyrmyz. Tek azdaǵan ýaqyt qajet. Sondyqtan baǵdarlama 1 mamyrdan bastalady. Mınıstrlik pen «Otbasy» banki qyzmetkerlerine taǵy bir márte jeke baspasóz máslıhatyn ótkizip, baǵdarlama jaıynda aıtyp berýdi ótinemiz», - dedi mınıstr.