Aýyl turǵyndary ákim saılaýyna qyzyǵýshylyq tanytyp otyr – Rýslan Jeldibaı

<p>ATYRAÝ. KAZINFORM &ndash; Elimizde aýyl turǵyndary jergilikti ákimderdi saılaýǵa qyzyǵýshylyq tanytyp otyr. Bul týraly Prezıdenttiń Іshki saıasat jáne kommýnıkatsııalar jónindegi kómekshisi Rýslan Jeldibaı aıtty.&nbsp;</p>

Onyń aıtýynsha, Ulttyq quryltaı platformasynda ózekti máseleler kóterilip, sheshý joldary talqylanady. Máselen, «Azamattyq qoǵam» sektsııasynda áleýmettanýshy Gúlmıra Іleýova jergilikti ákimderdi saılaýdyń nátıjesi týraly surady.

«Jergilikti jerdegi saılaý – biz júrgizgen mańyzdy reformalardyń biri. Sońǵy saılaý aýdan jáne aýyl turǵyndarynyń qyzyǵýshylyq tanytqanyn kórsetti. Endi el azamattary saılaý protsesine qatysýǵa tyrysyp otyr. Olar ákimdi ózderi tańdap, belgili bir is-sharalardyń oryndalýyn sol kisiden suraıtyn bolady. Biz saılaý nátıjesine taldaý júrgizemiz. Qazir óńirlerde jergilikti ákimderdiń saılaýyna qyzyǵýshylyq joǵary», - dedi Rýslan Jeldibaı.

Eske sala ketelik, budan buryn Ulttyq quryltaı el damýynyń baǵytyn aıqyndaıtyn biregeı platformaǵa aınalǵanyn jazǵan edik.

Sondaı-aq, Qazaqstanda ótetin V Dúnıejúzilik kóshpendiler oıyndaryna 58 el qatysady.

Mádenıet jáne aqparat mınıstri Kreatıvti ındýstrııa ókilderi úshin arnaıy salyqtyq jeńildikter engizilgenin aıtty.